Kongreya Komelê Demokratîkî (KCD) bi wesîleya serrgêra şehadate Leyla Qasim eşkerayîyêke daye û nê vatî:

''Ma wendakara sosyolojî û rayberêna Têgêrayîşê Cinîyan ê Kurdan ra birêze Leyla Qasim (22) û embazanê ci Cevad Hemevendi, Nerimane Fuad Mesti, Hesen Heme Reşid û Azad Suleyman Miranî bihurmet yad kenê. Leyla Qasim hem têkoşînê cinîyan hem zî têkoşîno neteweyî yê kurdan de bîya maşaleyêk. Cewabê Leyla Qasimî yê vera qirkerdoxanê kurdan rayîrê zanayîşo neteweyî akerd. Coka şarê kurdî do tim aye zerrî û têkoşînê xo de bikirişo û tira hêz bîgêro. Ma sey KCDyî reyna rejîmê Baasî yo ke vera kurdan qirkerdişî kerdî pîya bi rayberê ci Saddam û dormeyê ci yo nîzdî lanet kenê. Înanê ke Leyla Qasim û embazê ci dardekerdî bi qanûnê xo ameyî dardekerdene ke no nimûneyêkê îbretîye yo.''