Kongreya Komelkî ya Demokratîke (KCD) pê eşkerayîyêka nuştekîye vera hêrişanê serê Kampa Mexmûrî nêrazîbîyayîşê xo mojna û venga kurdan da ke bibê yew.

Vengdayîşê KCDyî wina yo:

''Bombardumanê waranê sivîlan û kampanê multecîyan ê ke binê pawitişê Neteweyan ê Yewbîyayeyan de yê, sûc o. La seba AKP nê sûcî girîn nîyê. Ma venga pêro dinya, rêxistinanê demokratîkan û warê mîyanneteweyî danê ke vera faşîzmê AKPyî bêveng nêmanê. Ganî kurdî yewîya xo bîyarê ca û vengê xo berz bikerê.''