Hemserekîya Konseya Rayberdişî ya KCKyî pê eşkerayîyêka nuştekîye Endamê Komîteya Merkezî ya PKKyî Kasim Engîn yad kerd.

Eşkerayîya KCKyî wina ya: ''Embaz Kasim Engîn (Îsmaîl Nazlikul) 35 serrê emrê xo da Têkoşînê Azadîye yê Kurdîstanî û hêrişêkê hewayî yê dewleta îşxalkere de şehîd bi. Embaz Kasim Engîn endamîya Komîteya Merkezî ya PKKyî ra bigêre heta endamîya Konseya Rayberdişîya KCKyî kerde. Eyaletê Tolhildanî ra heta Botanî fermandarîye kerde. Ma do Kurdîstanê azadî û Rojhelatê Demokratîkî teqez bîyarê ca.

Embaz Kasim sey milîtanêkê fedayî yê Apoyî her erkê xo pê qerardarî, zanistî, coşêkî, kelecanî ard ca. Têkoşînê ey ê seba azadî do tim dewam bikero. Embaz Kasim asîmîlayonê dewlete ra derbaz bibi û koç kerdbi rojawanê Firatî. Asîmîlasyonê rojawanê Firatî, qirkerdiş, koçkerdişê metropolanê Tirkîya û Almanya zerrîya ci de dejêk viraştbi. ''Seba ey estbîyayîşê kurdan ê rojawanê Firatî û azadîya Kurdîstanî erkêk fîraz bi. Pê hêrsê asîmîlasyonî her war de kurdkî qisey kerdêne, her ca de teşwîqê seba kurdkî esas girewtêne û bi nê hawayî bi embazêko mîsal.

Pê înadê asîmîlasyonî xebata tarîxê kurdan kerd, seba averşîyayîşê tarîxê kurdan cehd kerd. Kurdîstan de bingeyê tarîxî yo hempar û bêbextan vetî werte û seba wedaritişê bingeyê hemkarî û xiyanetî seba têkoşînê azadî û demokrasî cayêko girîng girewt. Seba averşîyayîşê ruhê yewîya neteweyîye fikirîya, nuşt û bi wayîrê tewirêkî. Heman wextî de bi fermandarêko bêhempa. Embaz Kasim çapemenîya HPGyî de, daşinasnayîşê Rayberîye de wayîrê kedêkê pîlî yo.

Şehîdbîyayîşê embaz Kasim teqez têkoşînê azadîye xurtêr bikero. Embaz Kasimo ke tewrê şehîdan bi, têkoşînê azadî û demokrasî yê şarê ma bikok û bihêz kerd ke sere de ciwanî cinî û şarê ma pê qerardarî û israrî têkoşîn dewam bikerê, Kurdîstan bikerê azad û bikerê Warê Roje ke merdimîye xo ver bida.''