Komîteya Tekîlîyanê Teberî ya KCKyî ya ke derheqê hêrişê dewleta tirke yê 11ê tebexe yê vera herêma Bradostî de eşkerayîyêke daye û vat her kesî  hêriş şermezar kerd la hukmatê Başûrî ra veng çîn o.

Eşkerayî de nê ameyî vatene: ''11ê tebexa 2020î de  Kelaşînê mintiqaya Bradostî yê Başûrê Kurdîstanî de atêşa tirk a faîste bizanayî da wesayîtêkê hêzanê pawitişê hûdûdî yê Iraqî ro. Nê hêrişî de 2ê înan fermandarê Iraqî merde û birîndarî estî. Her di fermandarî û êyê ke cayê înan de merdî eşîrê Bradostî ra yê. Înanê ke hêriş de cuya xo vînî kerde, ma merdimanê ci rê seweşîye wazenê. Her kes nê hêrişî û hêrişê îşxalî neheq vîneno û vera ci vejîyeno la Wezîrîya Karanê Zereyî ya Hukmatê Başûrî  hêriş şermezar nêkerd û tewirê xo ranêmojna. Herinda naye de bi eşkerayîyeke hêriş meşru ramojna ke senî ke heq bido ci. Ma tewri û zîhnîyetê na eşkerayîye red kenê. No nê goreyê welatperwerîye yo nê zî hetê ehleq û vîjdanî ra nêno qebûlkerdene. Sebenê hêrişê vera hêzanê hûdûdî, têgêrayîşê azadîye yê kurdan rê pabestayîş tewirêko bizanayîş o.

Hêrişê dewleta tirke yê vera Başrûrê Kurdîstanî demo peyên de bi hawayêkê sîstematîkî yenê kerdene. Piya bi operasyonê îşxalî yo ke erdî ra yeno kerdene hêrişê hewayî de bi desan kurdîstanijî merdî. Serranê peyênan de wesayîtê hewayî yê çekdarî (SÎHA) zî tewrê hêrişî benê. Nê hêrişê dewlete vera destkewteyanê kurdan ê heme leteyan îlankerdişê şerî yo. Hukmatê Başûrê Kurdîstanî ganî vera hêrişan, îşxalkerdişê herra xo û qirkerdişê şarê xo cayê şarê kurdî û hêzanê xoverdayîşê pawitişî yê Kurdîstanî de cabîgêrê. Hukmatê Başûrî ganî hêrida vengdayîê gerîlayî erdê Başûrî caverdî de, ganî pîya bi heme hêzanê kurdan vera Tirkîya tewirê xo ramojno. Waştişê şar û dostanê man o yo.''