Konseyê Hemserekîye Pêroyî KCKyî komployê mîyannteweyî yê 9ê teşrîna verêne ser eşkerayîyêka nuştekî da.

Eşkerayîya KCKyî ra tayî cayî wina yî:

Serrgêra 20. ya komploye de ma bi kîn û têqo girdîe reyna komploye şermezar kenî û vera na kommlo de vindetişê Rayber Apoyî slum kenî. Reyna şehîdê ma ke bedenê xo kerd çemberê adirî û bi şîarê ‘‘Şima nêşkenî tîja ma tarî bikerî‘‘ çalakîyê fadîyin viraştî, ma înan zî yad kene û sozê waştenê înan caardişî danî. Şarê ma ke vera komplo têkoşîn dano ma nînan zî slûm kenî.

KOMPLO KURDO AZADE RÊ AME KERDENE

Sîstemo kapîtalîst şarê kurdî sey netewêk nêwaşt. Sey şarêko wayîr nasname û kultûrî kurdî nêweştî û red kerdî. Herra doletî ê kurdan mîyan xo de pare kerd û şarê kurd kerde letê yew bîn ser vist. Vera naye kurdan tim sere wedarna. Têkoşîno tewr girde zî rayberîya Rayber Apoyî de PKK da dest pê kerdene. Hêzanê mîyanneteweyî Rayber Apo xo rê sey tehdîdêk dî û cok ra na komplo viraşt. Hedefê komplokaran de seserra 21. de zî kurdan bê statu biverdî. No semed ra şexê Rayber Apoyî de qezencê kurdan girewtî bîne esaretî.

VERA KOMPLOYE TEKOŞÎNÊKO GIRDE AME DÎYAYENE

Rayber Apoyî pêroyê kaye leyşin yê komplokayan pûç vetî. Reyna şehîd û şarê ma zî bi çalakîyanê xo têkoşînêko erjaya de û waştene komlokaran qirêke ci de verda. Şarê ma topyekun tecrîd protesto kerd. Bi seyan şehîdanê ma yê kahramanan bedenê xo dormeyê Rayberîye de kerdê çemberê adirî û bi şîarê ‘‘Şima nêkenî tîja ma tarî bikerî‘ çalakîyî viraştî. Şehîdanê ma hol zanyene ke şexsê Rayber Apoyî de qezencê şarê kurdî hedef gerîyene. Waştene komplokaran raştîte esaretê ‘‘Kurdîye azade‘‘ û ‘‘Merdimîye azade‘‘ bî. Şarê kurdî zaneyene ke bi xeripnayîşê no kayo leyşinê ê xo xelisnenî û cok ra wayîr têkoşînî vejîyayî.

DEWLETA TIRKÎ DEWRO TENGE DE YA

Nê vîst serran de xeylê qewimîyayîşê muhîmî bî. Kurdan qezencê girdî vistî dest. Rojawan de têkoşînê vera çetayanê DAÎŞî ra dima Şorişê Rojwan vejîya meydan. Vakur de têkoşîno demokratîke yê kurdan ra dewleta tirkî tengayî ûncena. Hûnca Şengal û Kobanê de tecrubeyê erjaye ameyî cuayene. Seba nê qezancanê kurdan bedelê girde ameyî dayene. Viste hezar zêdîyer şehîd ameyî dayene. Bi seyan kesî hetê kerdoxanê nimteyî ra qetil bî. Bi se hezeran îşkence dî, tepişyayî. Bi des hezaran erzîyayî zîndanan. Bi milyonan her qeyde zext , şîdet û îşkence ê maruz mendî.

QEZENCÊ KURDAN ÇEND ZÊDÎYENÎ TECRÎDÊ ÎMRALI ZÎ HENDÊ XORIN BENO

Dewleta tirkî qezancenê kurdan ra Rayber Apoyî sermîyan tepişena û wazena ke no semed ra ceza bido ci. Seba dewleta tirkî qezencê kurdan suc o. Bi sebebo ke Rayberîya çimê şarê kurdî akerdî, koletîye ra aye kerdî wirznayî lingan ser bi polîtîkaya dişmenîyê ci rê nêzdî benî. Qezencê kurdan çend zêdiyene, tecrîdê Îmrali zî hendê xore beno.

NÊZDÎBÎYAYÎŞÊ MHME SEBA KURDAN ÇÎYÊ KE  MUHÎM O

Dekewtişê serrgera 21. ya Komploya Mîyanneteweyî de qerarê Mehkemeya Heqê Merdiman ya Ewropa (MHME)  yê redkerdişê zextê Îmrali, hîna eşkera ramojneno ke Ewropa û hêzê ke engîştê ci Komploya Mîyanneteweyî de estî, rolê înan sîstemê Îmrali de gird o. Ewropa bi nê qerarî eşkera îfade kerd ke ê polîtîkaya zextî yê Îmrali meşrû vînenî. No zî rejîmê tecrîd û zextî rê şîrikbîyayîş o. Xora CPT zî wina têgerana û wazîfeyê xo nêana ca.

TEHLUKEYÊ NEWEYÎ GANÎ BÊRÎ VÎNAYENE

Ganî kurdî no rewşo tehlukeyino neweye hol bîvînî. Şehîd Umir Acar no tehluke dî û bi çalakîyêk cewabê naye da. Xora yeno zanaye ne Rayber Apo û tevgerê ma çalakîyanê winayin qebûl nêkenî. Ganî kes zirar bedenê xo nê zirar bido dişmenî. Rixmê naye vindertişê Acarî erjaye yo. Kurdî ganî na çalakîye ra mesajêk bigerî û goreyê naye têbigerî. Acar bi na çalakîya waşte ke wa herkes tehlukeyî bivîne û vera ci bivejîyo. No semed ra bi çalakîya xo biyo leteyêkê helqayê‘ Şima nêşkenî tîja ma tarî bikerî‘.

GANÎ ŞARÊ MA HER CA DE WIRZO LINGAN SER

Vera komplo û tecrîdê îmrali ganî şarê welat, Ewropa û her ca yê dinya de vejîyo meydanan û bi çalakîyan vengê xo berz bikero. Sere de cinî û gencî pero şarê ma wirzo lingan ser. Hûnca dostê make nê 20 serran de zêdîyayî, înan ra zî waştene ma vera komploye û tecrîdî wa bêveng memanî. Vera qerarê MHKE û polîtîkaya qirkerdişî yê dewleta tirkî wa kurdî, hetê demoktatîke û doste kurdan bêveng memanî û bi çalakîyan cewabê ci bidî.