Hemserekîya Konseya Rayberdişî ya KCKyî derheqê serebûtanê tecawuzî yê vera cinî û domanan ê Kurdîstanî de eşkerayîyêke weşanaye.

Eşkerayîye wina ya:

''Wextê peyênî de serebûtê tecawuzî yê vera doman û cinîyan Kurdîstan de zêdîyayî. Zafêr mesuldarê nê zî çawişê pisporî, polîs, notir û subay ê. Tecawuzê ke Kurdîstan de qewimîyenî bi temamî polîtîk ê, parçeyê polîtîkaya şerê taybetî yê. Senî ke serranê 1990an de dewî veng bîyî, vera kurdan hêrişî ameyî kerdene nê tecawuzî zî bi heman armancî yenê kerdene. Yeno armanckerdene ke şexsê cinîyan de îradeyê kurdan bêro şiknayene û kurdî nêeşkê xo ver bidê. Nê hêrişî bi hawayêkê biplanî û rêxistinkerdeyî ameyî kerdene. Hayîya ma têna pê înanê ke medya de ca girewt, estî. Êyê ke hayîya ma pê çin a naye ra zêdêr ê.

Dewleta tirke ya kolonyalîste kurdan qir kena. No qirkerdiş zî pê tecawuz, pê averberdişê kapîtalîzmî, pê polîtîkayanê şerê taybetî yeno kerdene. Yeno waştene ke erjê komelkî yê kurdan bêrê pûçkerdene û kurdî bêrê a rewşe ke wayîrê erjanê xo yê komelkîyan nêvejîyê. Bi nê hawayî astengîya tewr pîle ya verê qirkerdişan zî do çin biba.

Subay, çawişê pisporî, polîsî Kurdîstan sey cografyaya tecawuzî vînenê. Tecawuzê vera cinîyanê kurdan sey heqê xo vînenê.  Îqtîdarê AKP û MHPyî vera kurdan sey cerganê xerabîye têgêrenî. Vanê 'gelo ma ewro çi bîyarê şarê kurdî ser?'

Cinîyî pêro tarîxî de bîyî afernayox û sembolê kurdan. Ewro zî wina yê. Coka ê kenê hedef. Tepiştiş, îşkence û tacîzê vera cinîyan bi heman armancî yenê kerdene. Bêvengîya vera nê hêrişanê serê cinîyan ê kurdan yena manaya qedînayîşê erjanê komelê kurdan.

Şarê kurdî verê cû zî vera nê hêrişanê îşxalker û kolonyalîstan sereyê xo wedarit. Ganî ma tewirê xo reyna bimojnê. Şarê mato erjîyaye; kolonyalîstî tecawuz set şiknayîşê îradeyê şarî vînenê. Nê hêrişî şexsê doman û cinîyan de vera kurdan yenê kerdene. Ma nêverdê ke cinîyê ma bêrê tepiştene û înan rê tecawuz bêro kerdene. 

Pê xpverdayîşê vera faşîzmê AKP-MHPyî heta ke nê hêrişê kolonyalîstî nêrê şiknayene, hêrişê vera cinîyan zî nêvindenê. Coka ma têkoşînê vera hêrişê serê cinîyan bikerê têkoşînê vera faşîzmê AKP û MHPyî. Ma Kurdîstanê Azadî awan bikerê ke nêeşkê tecawuzê doman û cinîyanê kurdan bikerê.''