Hemserekîya Konseya Rayerdişî ya KCKyî derheqê îdîayanê ke medyaya sosyale de derheqê rewşa weşîya Rayberê Şarê Kurdî Abdullah Ocalanî de vejîyayî de eşekrayîye daye.

Eşkerayîya KCKyî wina ya:

''Tirkîya de derheqê cuye û weşîya Rayber Apoyî de tay îdaîyî erzîyayî werte ke çimeyê ci wekîlê MHPyî yo. Coka avûkatan cade semedê pêvînayîşî muracat kerd û şarê ma her cade werişt payan ser ke wa pêvînayîş bêro kerdene. Xeberê ke derheqê Rayber Apoyî de vejîyayî cîdî yê û ganî cadê zelal bê. Nêzdîbîyayîşo tal ê vera Rayberê yew şarî vera ê şarî hêrişê qirkerdişî yo. No qerarê çînkerdişê yew şarî yo. Bêşik vera rewşa xirabe şar û Têgêrayîşê Azadîye bi tewirê goreyê na rewşe do cewabê nê şerî bidê.

Weşîye û cuya Rayber Apoyî ra dewleta tirke berpirsîyar a. Reyna dezgehê mîyanneteweyî ke berpirsîyarîya tepişteyanê Tirkîya milê înan de ya ê berpirsîyar ê. Her xebera xirabe ya derheqê cuye û weşîya Rayberîya ra CPT û Konseya Ewropa berpirsîyar ê. Rayber Apoyî vatbi ke tîya derheqê cuya û weşîya mi de her rewşa xirabe ganî sey sîyasîyî bêro dest girewtene û dewleta tirke û dezgehê eleqedarî hîşyar kerdbî. Reyna ardbi ziwan ke wa şar zî nînan sey berpirsîyarî bivîno.

Xeberê winayênî ganî zaf cîdî bigîrê dest. Cunku ma zanê ke mîyanê dewlete û sîyasîyan de êyê ke Rayber Apoyî rê dişmenîye kenê estê. Selahîyetdaranê dewlete bi xo bi serran cuwa ver vatbi ke o do ûca ra weş mevejîyo û zîhnîyetê xo yê vera Rayberê Apoyî ramojnabi. Ganî heta Rayber Apoyî ra xeberêke bêro girewtene şar payan ser bo. Na berpirsîyarîya tarîxî ya. Ganî şarê ma û heme dostî û hêzê demokratîkî werzê payan ser û seba ke derheqê rewşa weşîya Rayber Apoyî de zanayîş bigerê mucadele bikerê. Gama ke qala Rayber Apoyî bena qet yew eşkerayîye nêvejena. Ma pê bawer nîyê. Heta ke Rayber Apoyî dir pêvînayîş bêro kerdene ganî çalakîyî dewam bikerê. Miheqeq ganî pêvînayîşo rî bi rî bêro kerdene.

Bi serran o Îmrali de tecrîdo giran esto. No ramojneno ke vera Rayber Apoyî senî yew dişmenîye esta. No tecrîd xora vera weşîya Rayber Apoyî yo. Na rewşe ganî hînî biqedîyo. Ganî Rayber Apo bireso azadîya xo. Xeberanê derheqê Îmraliyî ramojna ke Hemleya ''Wextê azadîye yo' tem wextê ci de ameya destpêkerdene. Ganî adirê Newroza 2021 sey hemleya azadkerdişê Rayberîye bêro girkerdene. Wa şarê ma pîrozkerdişê Newroze açarnê mucadeleyê azadkerdişê Rayber Apoyî. Xora azadîya Rayber Apoyî azadîya şarî ya. Warê Newrozî wa bibê warê mucadeleyî. Eke wina bibo verê nêzdîbîyayîşanê talan ê vera Rayber Apoyî zî yeno girewtene.

Ewropa û Rojawan de şarê ma cade semedê weşîye û asayîşê Rayber Apoyî werişt payan ser.  Şarê Vakurî zî ganî şayîyanê Newroze û hemleya azadkerdişê Rayberîye bikero yew û her cade vejîyo waran. Ganî çar leteyanê Kurdîstanî de şar werzo payan ser û Newroze  bi slogana Raybero Azad û Kurdîstano Azad pîroz bikero.

Ma îqtîdarê AKP û MHPyîke weşîye û asayîşê Rayber Apoyî ra berpirsîyar o hîşyar kenê! Vera Rayber Apoyî eke çîyêko xirab bêro kerdene mucadele û metodê ma do bibedilîyê.Xora derheqê Rayberîye de hasasîyetê şar û têgêrayîşê ma yeno zanayene. Coka  ganî yew saete zî erey mebo cade derheqê Rayber Apoyî de xebera zelale bêro girewtene.''