Hemserekîya Konseya Rayberdişî ya KCKyî bi eşkerayîyêke ard ziwan ke heta azadkerdişê Rayber û Apo û şarê kurdî têkoşînê înan do her ca de bêro domnayene û nê pare kerdî:

''Şarê ma yê Ewropa 8 serrî yo Strasbourg de verê Parlamentoya Ewropa de bêmabên semedê azadkerdişê Rayber Apoyî nobete tepişeno. Seba na çalakîya ke çalakîyanê tewr dergan ê bêmabênan ê dinya ra yewe ya, ma şarê xo yê Ewropa û dostanê kurdan fîraz kenê.  Na çalakîye îradeyê şarê ma yê Ewropa semedê azadîya Rayber Apoyî ramojnena. Şarê ma yê Ewropa sey her wextî nika zî wayîrê Rayber Apoyî vejîyeno û têkoşînê xo rê dewam keno. No wayîrvejîyayîşê şarê kurdî û demo nizdî de do Rayber Apoyî bikero azad.

8 serrî yo hewte de grûbêke nobete tepişena. No yeno na mana ke her hetê Ewropa ra şarê ma na çalakîye de ca gêno. Na çalakîye ramojnena heme dinya ke Rayber Apo Rayberê şarê kurdî yo. Xora 21 serrî yo heskerdiş, rêz û pabestîyeya ke ramojîyena Rayber Apoyî dinya de çirey yewna sîyasetmedarî rê nêameyo ramojnayene. Tewirê şarê ma komplo pûç vet û no wayîrvejîyayîşî moral û hêzêko gird da Têgêrayîşê Azadîye yê ma zî.  

Gerîlayê ma yê fedaîyî û Têgêrayîşê Azadîye yê ma seba ke layiqê şar û Rayber Apoyî bê 21 serrî yo xo ver danê. Seba ke şarê ma wayîrê Rayber Apo û Têgêrayîşê Azadîye vejîyeno ma zî naye ra hêz gênê. Sere de gerîlayî, heme hêzê Têgêrayîşê Azadîye yê ma  nobeta Strarsbourgî û her ca de heta azadkerdişê Rayber Apoyî  û şarê kurdî do bi qerardarîya girde têkoşîn bikerê. Bi têkoşînê şarê ma yê 4 leteyanê Kurdîstanî do Rayber Apo, şarê kurdî û Kurdîstan azad bê. Şar û dostê ma yê ke 8 serrî yo çalakîya nobete rayra benê, ma înan silam kenê û serrgêra komployî ya 22. de soze serkewişî newe kenê.''