Konseya Serekîya Pêroyî ya KCKyî bi wesîleya serrgêra Komployê 15ê Sibate eşkerayîyêke daye.

Eşkerayîye wina ya:

''15ê sibata 1999î de şexsê Rayber Apoyî de vera şarê kurdî komployêko mîyanneteweyî ame kerdene. Ma nê komployî û komplogeran pê kîn û nefretî reyna şermezar kenê û înan rê lanet kenê. Ma şehîdanê çalakîyanê 'Şima nêeşkenê tîja ma tarî bikerê' bi rêzdarî û minetî yad kenê. Rayber Apoyo ke roja verêne ra nata vera sîstemê îşkenceyî yê Îmraliyî xo ver dano, ma ci rê selam kenê. Sere de çalakîya grevê veşanîye yê zîndanan ma xoverdayîşê demokratîk û çalakîyanê şarê xo rê selam kenê.

Komployê 15ê Sibate a raşte armanc kerd ke seserr 21. de kurdan bênasname, bêstatu û bê Rayberîye war verdo ke seserrêke reyna kurdê wa bin bikerê. La şarê ma wayîrê hîşmendîya xoverdayîşî ya newîye ya Rayber Apoyî vejîya û nê armancê komployî ameyî pûçkerdene. La hêzê komplogerî kenê ke plananê xo bi metodanê cîyayan bivisnê dewre.

Komployo Mîyanneteweyî Îmrali de pê sîstemê tecrîd û îşkenceyî; Kurdîstan û Tirkîya e pê dişmenîya demokrasî, azadî û cinîyan; teberê sînorî de zî pê îlhak û îşxalî dewam keno. Sebebê ney o verên no yo ke Rayber Apoyî vera armancanê înan sereyê xo nêard wa, rayîrê sîstemê demokratîkî akerd. Her ke şarê ma pê fikranê Rayber Apoyî xo aver berd tecrîdê Îmraliyî zî ame girankerdene.

Tecrîd û îşkenceyê Îmraliyî bi sîyasetê Tirkîya

Ewro sîstemê tecrîd û îşkenceyî yê Îmraliyî hetê hukmatê faşîstî yê AKP-MHPyî ra ame kerdene sîyaseto hakîm ê Tirkîya. Hînî rejîmê şerê taybetî têna vera kurd, bindest û kedkaran ney vera zanyar, akademîsyen, wendekar, femînîst û roşnvîran bi kilmî vera pêro muxalîfan kerdişanê xo yê faşîstan ano ca.Rejîm zanîngehan rê sey şaredarîyanê Kurdîstanî qeyûmn tayîn keno, seba destvistişê baroyan qanûnan virazeno û pê medya şar manîpule keno. 

Qodê rejîmê faşîstî binê sîyasetê Îmraliyî de nimite yê

Qodê rejîmê şerê taybetî binê sîyasetê tecrîdê Îmraliyî de nimite yê. Coka têkoşînê vera tecrîî hînî têna meseleya kurdan nê meseleya Tirkîya ya zî. Eşkera bi ke rekîm Îmrali sey laboratuwar xebitneno, kerdişanê polîtîkaya qirkerdişî verî Îmrali de ima Kurdîstan e cerirneno û beno Tirkîya de keno sîyasetê hakîmî. Ganî hînî her kes vera ney vejîyo û bizano ke dora her kesî do bêra. Heta ke kerdişê qirkerî yê vera kurdan û Rayber Apoyî nêqedê Tirkîya nêeşkena nê rejîmê faşîstî ra bixelisa.

Dewaya Rayber Apoyî dewaya sîyasî ya na seserre ya. Çareserîya ci zî pê rayîrê sîyasî û têkoşînê şorişgêrî bena. La dewaya Rayber Apoyî de tay qismî hewceyê têkoşînê huqûqî yê. Coka ganî verî 'cezaya muebede ya girankerde ya seba Rayber Apoyî' cade bêra wedaritene. Çunke rejîmê faşîstî na ceza seba Rayber Apoyî arde ca dima zî xeylêk tepişteyanê sîyasîyan rê daye.Mehkmeya Heqanê Merdiman a Ewropa (MHME) na ceza sey 'îşkence' pênase kerde. Na ceza nêna qebulkerdene û wedaritişê na ceza armancê Hemleya 'Wext Wextê Azadîye' yo.

Hêzê mîyanneteweyî pê bêvengîye paştî danê tecrîdê Îmraliyî. Çunke ê pê fikrê modernîteya demokratîke ya Rayber Apoyî hêrsbîyaye yê. Coka nê hêzê hegemonîkî vera hêrişanê TCyî yê serê Başûr, Şingal, Mexmûr û Rojawanî zî bêveng ê.

Rayber Apo rayberê xelasê demokratîkî û merdimîye yo

Rayber Apoyî sîstemê Îmraliyî binkerd, uca e paradîgmaya ekolojîke-demokratîke-azadîwaştoxê cinîyan aver berde û na paradîgma sere de kurdan pêro şaranê bindestan ê Rojhelatê Mîyanênî û dinya rê dîyarî kerde. Şarê dinya her ke na paradîgma nêzdî ra şinasnenê hîna zêdêr benê sempatîzanê Rayberê ma. Coka sere de cinîyî pêro şarê bindestî yê demokratîkî Rayber Apo sey rayberê merdimîye, rayberê xelasê demokratîkî qebul kenê.Fikrê modernîteya demokratîke sey îdeolojîya xelasî ya komelî dîyeno.

Roja serkewtişî nêzdî ya û ma do pîya ser bikewê

Hemleya 'Wext Wextê Azadîye yo' têna hemleya kurdan nê hemleya demokrasî û azadîye yê merdimîye ya. Kesê ke tewrê na hemle bîyê, ma nînan rê nameyê Rayber Apoyî ser o zaf sipas kenê, selam û heskerdişê xo nînan rê şawenê û têkoşînê înan selam kenê.

Kurdîstan de merkezê pêro serebûtan de asta wayîrvejîyayîşê Rayber Apoyî esta. Kurdî hînî wazenê ke wa îşkencexaneyê Îmraliyî birejo û Rayber Apo azad bibo. Kurdî wazenê ke Rayber Apo mîyanê înan de bo. Çunke kurdî vînenê ke pê estbîyayîş û têkoşînê Rayberîye ê newe ra ameyî dîyene û bibê wayîrê îtîbarî. Coka ê pê Rayberîye sereberz ê û kurdan rê ha azadîya înan ha azadîya Rayberê înan. 22 serrî yo kurdî naye ra meydanan kenê de û vera teda, zulm û kerdişanê dewlete xo ver danê. Ma nê ruhê xoverdayoxî yê şarê xo û tewirê înan ê vera komployî selam kenê. Ma veng kurdan danê ke wa  paradîgmaya Rayber Apoyî zafêr şaranê dinya rê bidê  şinasnayene, xoverdayîş xorin bikerê û ver bi serkewtişî şorê, xoverdayîş xorin bikerê û ver bi serkewtişî şorê.'' Çunke mefteyê serkewtişî îradeyê şarê ma yo. Senî ke şarê ma wextê komployî de pê tewirê xo bira işmenî vurnaye nika zî eşkeno rêxistinî û têkoşînê xo xurtêr bikero û Rayber Apo Îmraliyî ra vejo. Şarê ma pê nê hêzê xo ganî xoverdayîşê xo pîl bikero û têkoşînê xo berz bikero. Serkewtiş qetî do bibo ê şarê ma yê xoverdayoxî. Roja serkewtişî nêzdî ya. Ma do pîya ser bikewê.

Hetêkî ra sere de Kurdîstan Rojhelatê Mîyanênî ra heta Amerîkaya Latîne, Afrîka ra heta Ewropa, Avusturalya ra heta Îskandînavya, Asya ra heta Amerîka asta berze de wayîrê Rayber Apoyî yeno vejîyayene û xeylêk kesî tewrê hemleya azadîye benê. La tay kesasetê sîyasî yê kurdî û partî û rêxistinê înan ne tewrê hemle benê ne zî paştî danê xîretanê seba azadîya Rayber Apoyî. Na rewşe ma zaf dejnena û  ma hêvî kenê ke wextêkê kilmî de na rewşe yena raştkerdene. Nê kesayet, partî û rêxistinê kurdî wa nê pawitişê şarê ma û dostanê şarê ma bêcewab nêverdê. Nê xîretê seba azadîya Rayber Apoyî ganî nê kesayet, partî û rêxistinan zî şa bikerê.''