Hemserekîya Konseya Rayberdişî ya KCKyî derheqê hêrişê dewleta Îsraîlî yê vera nêweşxaneyê Gazze de eşkerayîyêke daye. Eşkerayîye wina ya:

''Vizêr şan dewleta Îsraîlî Gazze de hêrişê nêweşxaneyî kerdo û heyf ke nê hêrişî de bi seyan merdiman dinyaya xo bedilnaya. No hêrişê dewleta Îsraîlî yew hêrişê qirkerdiş û qatlîamêk o. Ma nê qetlîamî bi tûjî şermezar kenê. Nê serebûtê xirabî yê vera şarê Filîstînî ma zerrî ra dejnayî. Sere de şarê Gazze rê ma pêro şarê Filîstînî rê serweşîye wazenê. Ma hetê şarê Filîstînî û dewaya ci ya heqdare de yê. Têkoşînê şaran ê vera zulmî qetî do ser bikewo û hesabê pêro qetlîaman do bêro persayene.

Heyf ke hêrişê dewleta Îsraîlî verê çimanê pêro dinya de yenê kerdene. Dewletî û hêzê hegemonîkî seba çareserîya meseleya Filîstînî ney seba menfaatanê xo têgêrenê. Nê senî nêzdîyê kurdan benê, o qayde nêzdîyê şarê Filîstînî benê. Qirkerdişanê vera Filîstînî ra nê dewlet û hêzî zî hendê Îsraîlî mesuldar ê. Dewleta tirke û îqtîdarê AKP-MHPyî zî seba çareserîya meseleya Filîstînî ney seba ke planê înan ê serê qirkerdişê kurdan nêkewo binê tehluke têgêrenê.

Şarê dinya û Rojhelatê Mîyanênî ganî nê nêzdîbîyayîşî bizanê û destekê bi şarê Filîstînî têkoşşînî pîl bikerê. Tewr vernî zî ganî şarê ereb û mûsewîyî bi nê hawayî têbigêrê û paştî bidê şarê Filîstînî. Şarê kurdî zî ganî paştdayîşê xo yê bi şarê Filîstînî hîna zaf bimojno û bizêdîno. Meseleyê Rojhelatê Mîyanênî ancax bi mezgê Neteweya Demokratîke yê Rayber Apoyî do bêrê çareserkerdene. Şarê kurdî, erebkî û musewî û pêro şarê Rojhelatê Mîyanênî do bi têkoşînê hemparî na çareserîye bîyarê ca.

Ma sey Têgêrayîşê Azadîye yê Kurdan ancî nê qirkerdişî bi şîdetî şermezar kenê. Ma şarê Filîstînî rê serweşîye wazenê, birîndaran rê şîfa wazenê. Ganî şarî bi têkoşînê xo verê nê hêrişan de vinderê û dewletî zî dirîtîye ra fek vera bidê û seba qedînayîşê nê hêrişan û çareserîya meseleya Filîstînî têbigêrê.''