Hemserekîya Konseya Rayberdişî ya KCKyî derheqê hêrişanê dewleta tirke ya îşxalkere yê vera Başûrê Kurdîstanî de eşkerayîyêke daye. Eşkerayîye wina ya:

''Netîceya hêrişanê dewleta tirke ya qirkere de Başûrê Kurdîstanî de xeylêk sivîlî, cinîyî û welatperwerî şehîd bîyî. Ma venga şarê xo, dezgehanê welatperweran û demokratîkan danê ke wayîrê şehîdan û birîndaran vejîyê. 

Ma nê hêrişanê dewleta tirke yê namerdan şermezar kenê. Ma hukmatê Iraqî zî şermezar kenê ke dewleta tirke ra bi peymanêke bingeyê nê hêrişan viraşto. Eşkera yo netîceya peymana gemarine de nê hêrişî zêdîyayê. Ganî bizanîyeno ke nika ra pey hêrişanê vera Başûr û Iraqî ra hukmatê Iraqî zî mesuuldar o. 

Sere de hukmatê Iraqî ma ancî pêro hemkaran hişyar kenê ke têkilîyanê şaşan ê bi dewleta tirke ra agêrê. Nê têkilîyî îşxalê Kurdîstanî armanc kenê, Iraqî visnenê binê hegemonya, qirkerdişê kurdan hedef kenê. Îqtîdarê AKP-MHPyî yo faşîst armanc keno ke herême de serdestîya xo awan bikero.

Nê têkilîyanê şaşan ra Iraq bi lezî ver bi şaşîtîye şino. Hêzê ke dûştê ney de yê ganî tewirêkê xurtî bimojnê. Hêzê Iraqî yê welatperwer û demokratîkî, roşnvîrê Iraqî ganî vera nê têkilîyan tewirêkê xurtî bimojnê.

Mesuldarê îşxal û qirkerdişî yo esas PDK û keyeyê Barzanîyan ê. PDK û Barzanîyî seba rant û menfaetanê xo şirîkîya qirkerdişê kurdan kenê û seba Kurdîstanî benê gefê tewr pîlî. Barzanîyî seba tewirê xo yê îxanetî binimnê dewleta Iraqî zî neçare verdenê ke dewleta tirke de têkilîyan bikera. Ganî sîyaset, hêzê welatperwerî û roşnvîrê kurdî bi mesuldarî têbigêrê û serkêşîya nêrazîbîyayîş bikerê. Şarê ma wa bêveng nêmano, vera qirekerdişan û îxanetî tewirêkê xurtî bimojno, bi xurtî wayîrê şehîdan vejîyo, yewîya xo awan bikero û têkoşînê azadîye berz bikero.''