Konseya Rayberdişî ya KCKyî derheqê hêrişê îşxalî yê vera Herêmanê Pawitişî yê Medya eşkerayîya nuştekîye daye.

KCKyî vat: ''Îqtîdaro faşîst ê AKP-MHPyî des rojî yo vera Herêmanê Pawitişî yê Medya hêrişê îşxalî rayra beno. Amancê înan oyo ke Têgêrayîşê Azadîye yê Kurdan tesfîye bikerê û polîtîkaya xo ya qirkerdişî tewam bikerê. Vera nê hêrişê qirkerdişî yê faşîstî gerîlayê HPG û YJA Starî têkoşîno tarîxî danê. Destpêkerdişê hêrişî ra nata îşxalkerî gerîlayan ra têdima derbanê pîlan wenê. Vera hêrişanê qirkerdişî şerê estbîyayîş û ciwîyayîşê azadîye yê şarê kurdî yeno dayene. Ma şehîdanê xo yê Hemleyanê Bazanê Zagrosî û Cangê Xabûrî bihurmet yad kenê û heme fermandar û gerîlayanê xo yê ke rêçê Fermandar Egîdî û pêro şehîdan de nê xoverdayîşê tarîxî rayra benê, ma serkewtişê înan pîroz kenê û bi bawerîya serkewtişî înan pê heskerdiş selam kenê.''

Eşkerayîye de ame vatene ke gerîlayî semedê pawitişê pêro Kurdîstan û şarê kurdî şer kenê û nê ameyî vatene: ''Xoverdayîşê gerîlayan heme şarê kurdî û hêzanê sîyasî yê kurdan rê veng dayîş o. Vengdayîşê bêrê ma pêro pîya Kurdîstanî bipawê yo. No xoverdayîş têna semedê pawitişê  Vakur û Başûrê Kurdîstanî nê, pawitişê pêro Kurdîstanî yo. Xoverdayîşê azadîye û demokrasîyî yê şaranê Rohelatê Mîyanênî yo.

Şeranê dinya de tim vera heqanê tay şaran hêriş benê. Şerê dinya yê hîrênî de yeno waştene ke şarê kurdî bêro qirkerdene. Îqtîtîdaro faşîst semedê qirkerdişê kurdan kerdo xo çeng.  Vera nê hêrişê qirkerdişî kurdî têkoşînê estbîyayîş û çînbîyayîşî rayra benê. Têna Vakurê Kurdîstan û Herêmê Pawitişî yê Medya nê heme leteyê Kurdîstanî bi hêrişê îşxalî rî bi rî yê. Coka ewro wezîfeyo verên kurdan pîya pawitişê Kurdîstanî yo.

Senî ke hêrişê vera Hêramanê Pawitişî yê Medya hêrişê vera heme kurdan o têkoşînê vera hêrişî zî têkoşînê pawitişê heme şarê kurdî yo. Coka ganî no têkoşîn bibo têkoşînê estbîyayîşê neteweyî yê kurdan û hetê pêro kurdan ra bêro rayraberdene. Eke nê  hêriş û xoverdayîş raşt nêrê fehmkerdene no semedê kurdan bêno vînîkerdişo pîl û bedelê ci zî heme leteyê Kurdîstanî do biancê. Nê semedî ra senî ke fermandarê artêşa gerîlayan hemrayê ma Murat Karayilanî vat no xoverdayîş, xoverdayîşê pawitişê pêro Kurdîstanî yo. Ganî heme hêzê welatperwerî berpirsîyarîya xo bîyarî ca û nê xoverdayîşî de cayê xo bigîrê.

Gerîlayî  sey anorê heme kurdan xoverdayîşêko pîl danê. Gerîlayî semedê Kurdîstan û şarê kurdî ciwîyenê, estbîyayîşê xo semedê şarê kurdî feda kenê. Şarê kurdî xora wayîrê nê ewladanê xo yê ke pê sereberz ê vejîyeno. Hêzê qirkerî do bi xoverdayîşê gerîlayan û serewedaritişê şarî bin bikewê. Eke şar û gerîlayî têkoşînê xo bikerê yew qirkerî nêeşkenê vera înan ser bikewê. Şarê ma do pîya bi gerîlayanê xo do vera îşxalkeran ser bikewo. Xoverdayîşo qehremankî yê gerîlayan têna hetê kurdan ra nê hetê şaranê dinya û hêzanê demokrasîyî ra zî bicoş û sempatî yeno verwazîkerdene. Hema hewteyê verênî ra heskerdiş û hurmetê heme merdimîye qezenc kerd. No xoverdayîş Têgêrayîşê Azadîye û kurdan rê anor dano qezenckerdene. Ma heme gerîlayan û şarê xo bi nameyê Têgêrayîşê Azadîye selam kenê û înan rê serkewtiş wazenê.''