Komîteya Bawerî û Şaran a KCKyî bi wesîleya Roşanê Qurbanî eşkerayîyêke daye.

Eşkerayîya KCKyî wina ya:

''Ma sey Têgêrayîş Roşanê Qurbanî yê şaranê misilmanan fîraz kenê. Ma hêvî kenê ke Roşanê Qurbanî sere de seba Rojhelatê Mîyanênî seba pêro alemê Îslamî haştî, aramî, edalet û weşîye bîyaro. roşan mabênê şaran de bibo sebebê wayûbiratî, dostî û paştdayîşî û têkoşînê azadîye û demokrasî pîl bikero.

Şarê misilmanî rîyê polîtîkayanê netew-dewletan û hukmatanê faşîstan ra binê meseleyanê cidîyan de yê. Îslamîbîyayîşê tirkan û xeyalê înan ê xelîfetîye Rojhelatê Mîyanênî de gonî rijneno, berê talanan akeno. Hêrişê tirkan nasname û bawerîyanê kurd û ereban rê gefan wanenê. Dewleta tirke wazena Yemenî ra heta Aranîstanî, Lîbya ra heta Sûrîye îşxal bikera. Reyna eşkera bi ke dewleta tirke talanker û kolonyalîst a. Ma bi wesîleya Roşanê Qurbanî venga welatperweranê ereban, roşnvîr, hunermend û sîyasetmedaranê tirkan danê ke vera fîtneyanê dewleta tirke şarê kurdî reyde têkoşîn bikerê.

Misilmanê kurd û tirkî yê erjîyayeyî;

Rayîrê fîrazkerdişê roşanî, yewîya demokratîke ya şaran pabesteyê çinkerdişê dîktatorîya AKP-MHPyî yo. Îslamîya tirkan dîn seba fîtne xebitnena. Êyê ke xeta Mihemedî de yê ganî bizanê ke heta ke vera nîjadperestîye têkoşîn nêkerê îbadetê înan do nêresê fîrazîye. Coka ganî misilmanê Tirkîya vera polîtîlkayanê AKP-MHPyî têkoşîn bikerê. Ma venga misilmananê kurdan û tirkan danê ke meşorê xutbeyanê dîyaneytî

Kurdîstanijê erjîyayeyî;

Hêrişanê qirkeran ê dewleta tirke de tewr zaf kurdî zeraran vînenê. Ma 24ê temmuza 2020î de xutbeyê akerdişê Ayasofya de dî ke înan Îslam fam nêkerd. Seba serdestanê tirkan Îslam çimeyêkê şerî yo. Kolonyalîst û îşxalkerê Kurdîstanî hîşmendîya Îslamî ra yenê. Muhammed muslumanan rê têkoşînê vera munafiqan û zaliman ferz kerd. Eke vera kolonyalîzmê tirkî têkoşîn nêro kerdene no yeno a mana ke îbadeto fîraz zî nêno kerdene.

Misilmanê kurdîstanijê erjîyayeyî;

Nê roşanî de şehîdgehan zîyaret bikerê û duayanê xo kêm mekerê. Merdim û keyeyanê tepişteyan zîyaret bikerê. Pêşnîyaz bikerê ke wa her kes xêrê xo bido dezgehanê ke hetkarîya xizananê Kurdîstanî kenê.

Ma sey Têgêrayîşê Azadîya Kurdîstanî pê nê fikr û hîsan Roşanê Qurbanî yê misilmananê Kurdîstanî reyna fîraz kenê. Ma reyna veng danê ke vera dewleta tirke ya îşxalkere têkoşînêkê rêxistinkerdeyî bikerê. Ma bi wesîleya Roşanê Qurbanî şexsê Rûstem Cûdîyî de ke Heftanîn de şehîd bi, pêro şehîdanê Kurdîstanî bi mînet yad kenê. Roşanê keyeyanê şehîdan fîraz kenê.''