Komîteya Şaran û Bawerîyan a KCKyî derheqê bi wesîleya rojeyê Muharremî û roja germîya îmaman mesajêk weşana û nê pare kerdî:

''Xoverdayîşê Îmam Huseyîn û hemrayanê ci yê Kerbela vindetişê heq û heqîqetî yê vera zextanê ke şarê Rojhelatê Mîyanênî rê yeno kerdene, temsîl kerdo. No vindetiş herra Rojheletê Mîyanênî de ruh, bawerî û zanayîşê azadîye îfede keno ke do tim dewam bikero. Xeta xoverdayîşî ya Îmam Huseyînî hende muhîma ke sey îbadetî yena bimbarekerdene û bîya ercêka komelkî. Seba ke Îmam Huseyîn û hemrayanê ci vera Yezîdo ke rumet û vîjdanê merdimîye girewtbi binê lingan, têkoşîn kerd, ê bîyî ercê komelî. Yezîdê ewro zî hêrişê komelî kenê û bawerî, ziwan û kulturan bînan înkar kenê. Vindetişê vera  qirkerdişan  Îmam Huseyîn û hemerayanê ci dano ciwîyayene.  Gerîlayê Têgêrayîşê Azadîye yê Kurdan ewro sey Huseyînê hemdemî têkoşînî domnenê. Ewladê kurdan ê ke vera her qeyde çekanê dişmenî xo ver danê Huseyînê hemdemî yê roja ma temsîl kenê. Çîyo muhîm oyo ke vera Yezîdanê ewroyî de sey Huseyînî vindetiş o.

Elewîyê erjîyayeyî:

Emser rojeyê Muharremî semedê Elewî Canan şertanê zaf zehmetan de ravêrt. Elewîyê ke Kurdîstan û Tirkîya de ciwîyenê binê zextê pîlî yê îqtîdarî de yê. Cografyaya elewîyan yena talankerdene, daristanê ci yenê vêşnayene, darê ci yenê birnayene, çeteyî şawiyenê dergehanê elewîyan ser û  mesajanê qirkerdişî yenê dayene. Ma reyna wazenê bifînê vîr ke vera Yezîdan teberê yewbîyayîş û têkoşînî de yewna rayîr çîn o. Bi wesîleya yadkerdişê Muharremî sere de elewîyî ma veng danê her kesî ke edalet û azadîye wazeno wa têkoşînê azadîye pîl bikero. Sere de mislimanê şîî vera rejîmê hêrişkarî ganî cepheyê hemparî de têkoşîn bêro pîlkerdene. Elewîyî eşkenê bi têkoşînê demokratîkî heqanê xo bifînê dest. Bi wesîleya rojeyê Muharremî û roja germîya îmaman ma veng danê ke wa heme heskerdoxê Huseyînî vera zulmî têkoşîn bikerê. Ma do sey têgêrayîşê azadîye têkoşînê Îmam Huseyîn û hemrayanê ci bidê domnayene. Ma veng danê ke wa her kes sefanê têkoşînî de cayê xo bîgêro.''