Hemserekîya Konseya Rayberdişî ya KCKyî bi wesîleya serrgêra Qirkerdişê Pirsûsî eşkerayîyêka nuştekîye daye.

Eşkerayîya KCKyî wina ya:
'' Ma serrgêra ci ya 6. de yê ke 33 ciwanê sosyalîstî yê ke bi nameyê 'Raywananê Xeyalî' ameyêne şinasnayene, hetê kiştoxanê dewleta tirke ra pê bombayan ameyî qetilkerdene. Ma nê ciwanê şorişgêrî pê rêzdarî yad kenê û ma sozê xo dibare kenê ke ma do zxeyalê înan do bîyarê ca.

DAÎŞî nê dewleta tirke nê raywanê xeyalî qetil kerdî. Dişmenîya AKP û Erdoganî ya vera Rojawanî nê ciwanî qetil kerdî. MÎTî no qirkerdiş plan kerd û ard ca. 

O çax AKPyî binê nameyê DAÎŞî de muxalîfê xo qetil kerdêne. 5ê hezîrana 2015î de Amed de zî vera HDPyî bi nê hawayî hêriş ame kerdene. Reyna o çax 25ê hezîrane de pê hetkarîya dewleta tirke DAÎŞî hêrişê Kobanê kerd û bi seyan sivîlî kiştî. 20ê temmuze de Pirsûs de ciwanê sosyalîstî ameyî qetilkerdene. 10ê teşrîna verêne de zî qirkerdişo tewr pîlî yê tarîxê Trkîya vera muxalîfanê şerê AKPyî ame kerdene. Bi seyan aktîvîstê haştîye ameyî qetilkerdene û birîndar bîyî. Dima AKPyî hêrişê şaristananê kurdan kerd û nê şaristanî serûbin kerdî. Tesadûfî nîya ke nê hêrişî o çax vera muxalîfanê AKPyî ameyî kerdene. Nê hêrişî pêroyî dima ke MGK de 30ê teşrîna verêne ya 2014î de Planê Binkerdişî ame qebulkerdene bîyî. Ahmet Davutogluyî zî vatbi ke ey serrêke verê cû leşker û polîsan rê vatbi ke wa amade bê. No zî parçeyêkê nê planî yo.

Pê vatişê 'DAÎŞî nê qirkerdişî kerdî' rolê MÎTî nêeşkîyeno bêro mîyankerdene. Erdogan û îqtîdarê AKPyî ganî hesabê nê qirkerdişan bidê. Erdoganî seba ke pê hesîya ke do nêeşko îqtîdar de bimano MHP û DAÎŞî reyde hemkarîye kerde. Cara mîyanê DAÎŞî de bi seyan ajanê ci estbî. MÎTî bi xo Tirkîya de seba ke merdimî tewrê DAÎŞî bibê şubeyî akerdî. Hetê bînî ra MÎTî endamanê DAÎŞî ra ke hemwelatîyê welatanê cîya-cîyayan bîyî, xo rê ajanî weye kerdî. Bi nê hawayî DAÎŞ bi temamî kewt binê kontrolê MÎTî. Coka bêro dîyene ke 33 raywanê xeyalî hetê AKPyî ra ameyî qetilkerdene û ganî têkoşîn zî nê esasî ser o bêro kerdene. Hesabê nê qirkerdişan zî ganî AKP û Erdoganî ra bêro persayene.

33 raywananê xeyalî pirdê mabênê kurd û tirkan kerd zixmêr. Awanîya Têgêrayîşê Şorişê Yewbîyayeyî de zî rolê raywananê xeyalî zaf pîlêr o. Sey pêro şehîdanê ma nê şehîdî zî bingeyê Têgêrayîşê Şorişê Yewbîyayeyî yê. 

Xeyalê înan wayûbiratîya şaran, sosyalîzm bi. Înan xeyal kerdêne ke pêro merdimîye bi hawayêkê azad û demokratîkî pîya biciwîye. Înan xeyal kerdêne ke hêzê otorîter û faşîstî bn bikewê Xeyalê înan Kurdîstano Azad, Tirkîyaya demokratîke û Rojhelato Mîyanên o Demokratîk bi. Coka nê xeyalî do ser bikewê; pêro hêzê faşîst, murtecî û despotîkî do bin bikewê. Xeyalê înan bikerê ke Rojhelatê Mîyanênî de gulê sûrî zîl bidê.''