Komîteya Bawerîyan û Şaran a KCKyî bi wesîleya qedîyayîşê rojeyê Muharemî eşkerayîyêke daye. Eşkerayîye wina ya:

''Rojeyêko bîn ê Muharemî qedîya ke tede xoverdayîşê Kerbela yeno yadkerdene. Ma wazenê ke pêro îbadetê elewîyan û şîyayanê ke pê rojegirewtişî û vilakerdişê loqmayan no xoverdayîş yad kerd qebul bibê.

Xoverdayîşê Îmam Huseynî o xoverdayîşo ke kitabê merdimîye de pê herfanê pîlan nusîyayo. Hz. Huseyn û 72 ganî vengê wijdanî yê şaranê Rojhelatê Mîyanênî, waştişê înan ê edalet û azadîye yê. Coka Huseyn-î Kerbela bi se serran o şîarê gêrayoxanê dewaya heq û heqîqatî yo. Bi na wesîle ma hêvî kenê ke îbadetê elewîyan  defterê heqî de bêrê nuştene û ma pê bawer ê ke dûayê şîîyan ê misilmanan bi heman hawayî ercîyaye yê.

Oyo ke xoverdayîşê Kerbela keno fîraz, ruhê ci yo. Xoverdayîşê Kerbela îrade, vîr û qerardarîye dayî eleweîyan.  Oyo ke Hz. Huseyn mîyanê elewîyan de kerd xete û nasname no îrade û vîr o. Emser elewîyan yewî û îtfaq waşt, semedê têkoşînê demokratîkî veng da. Nê waştişî waştişê Huseynwarî yê. Ma sey têgêrayîş zî bawer kenê ke çîyo ke xoverdayîşê komelî berz keno têkoşîn o. Gewhero ke elewîtî keno elewîtî no yo. Rojeyê 12 îmaman ê elewîyan erjê merdimîye yo ke semedê beşdarîya xeta Huseynî veng dano.

Nê rojanê rojeyê Muharemî de dewleta tirke Şingal de pê qetilkerdişê êzidîyan reyna yezîtîya xo mojnaye. Hêrişê dewleta tirke yê vera êzidîyan hêrişê pêro şaranê Iraqî, bi taybetî vera şîyayanê misilmanan o.Goreyê perwerîya Huseynî ganî şîyayî paştî bidê waştişê xoserîye yê Şingalî. Ewro Huseynîtîye têkoşînkerdişê vera yezîtê nê wextî dewleta tirke yo. Bi na wesîle ma sere de şîyayanê Iraqî venga pêro elewîyan û şaran danê ke sere de Şingal cayanê bînan ra rayîr medê kerbelayanê neweyan. Ma semedê têkoşînê hemparî veng danê.

Ma venga pêro heskerdoxanê Huseynî danê ke semedê Îmam Huseynî û pêro şehîdan pê têkoşînê vera zalimî bidê ciwîyayene. Bi wesîleya na roje ma pare kenê têkoşînê azadîye yê Kurdîstanî têgêrayîşo modern ê Huseynî yo, wayîrê ci vejîyê û ma venga her kesî danê ke tewrê têkoşînê azadî û demokrasî bibo.''