Hemserekîya Konseya Rayberdişî ya KCKyî bi wesîleya serrgêra 15ê Tebaxe eşkerayîye daye û nê pare kerdî:

''Şexsê fermandarê pîlî yê Hamleya 15ê Tebaxa 1984î Mahsum Korkmazî de ke Şorişê Newerabîyayîşî da destpêkerdene, ma pêro fermandar û gerîlayanê şehîdan bi hûrmetî yad kenê. Ma sozê xo dibare kenê ke ma do Kurdîstanê azadî û Rojhelatê Mîyanênî yê demokratîkî awan bikerê. Ma Roşanê Newerabîyayîşî yê Rayber Apoyî, kurdan û pêro xoverdayoxanê koyan û zîndanan fîraz kenê.

Hamleya 15ê Tebaxe ewro binê fermandarîya şehîdan de bi qerardarî û îrade dewam kena. Seke Rayber Apoyî vat Hamleya 15ê Tebaxe gonîya wişkbîyaye ya şarê kurdî kerd ganî, cuntaya 12ê Êlule qedînaye, îradeyê azadîye yê kurdan mohna qirkeran. Hamleya 15ê Tebaxe bi serfîrazî resaye heta ewro. Na hamle ewro bîye bingeyê Şorişê Rojhelatê Mîyanênî.

Hamleya 15ê Tebaxe ewro dinya de sey têgêrayîşê gerîlayan ê tewr bitecrube cayê xo girewt. Mehmet Sevgat, Mustafa Yondem, Ahmet Kesîp, Kazim Kûlû, Doktor Baran, Xebat Dêrik, Halîl Derik, Mehmet Ozbey, M.Emin Aslan, Suleyman Aslan, Besê Anûş, Azîme Demîrtaş, Sûltan Yavûz, Hanim Yaver Kaya, Gulnaz Karataş, Zeynep Kinaci, Nûda Karker, Şîlan Kobanê, Viyan Soran, Çîçek Kiçî, Delal Amed, Sorxwîn Dêrsim, Çîçek Kûrtalan, Şevîn Bîngol, Zîn Avesta, Îsa Dêrsim, Mahîr Amed, Engîn Sîncar, Adil Bilîka, Kadrî Çelîk, Rustem Cûdî, Reşît Serdar, Elîşêr Koçgirî, Nûman Amed, Azad Sîser, Atakan Mahîr, Baran Dêrsim, Ali Piling, Sînanê Sor, Kasim Engîn, Rûbar Dîjle, Têkoşer Gever û xeylêk fermandarêranê şehîdan xeta Mehmet Karasungur û Mahsum Korkmazî de îrade, bawerî û cuyêke vetî meydan ke hêzêk nêeşkeno vera ci şer bikero. Armanc têna serkewtiş û awankerdişê Kurdîstanê azadî û Rojhelatê Mîyanênî yê demokratîkî yo.

Şorişê Newerabîyayîşî ra nata tarîx vurîya. Ewro pêro destkewteyan û averşîyayîşan ê her parçeyê Kurdîstanî de barê na hamle esto. Kurdî ewro rûmetên û sereberz ê.

Nê rojan de ke ma Hamleya 15ê Tebaxe fîraz kenê, gerîlayî Heftanîn de xeta Mahsum Korkmazî de bi coşî xo ver danê. Nê 2 mengan de eşkera bi ke ruho şorişgêr ê 15ê Tebaxe do nêro şiknayene. Ma nê gerîlayan rê selam kenê û xoverdayîşê înan fîraz kenê. Xoverdayîşê Heftanînî do serra 37. ya 15ê Tebaxe de esasê xoverdayoxan ê pîlan ê Kurdîstanî de do dewam bikero. Esmere, Nûcan û Rûstem Cûdîyî do kesanê ke pê tank, top û çekanê xo bawer ê çin bikerê.

Dewleta tirke seke 36 serrî verê cû vatêne ez do înan çin bikera, hêrişê Başûr, Vakur û Rojawanî kerd la qet ser nêkewt. Xoverdayîşê gerîla û kurdan nê hêrişî şiknayî. 15ê Tebaxa 1984î ra heta ewro têkoşînê 36 serran de gerîlayî bîyî asin û serra 37. de zî do xo ver bidê. Nê 36 serran de şarê kurdî ke resayo Raştîya Şarê Şerwanî, do xoverdayîşê xo geş bikero û faşîzmê AKP-MHPyî çin bikero. Nê esasî ser o ma venga kurdan, dostanê xo, cinîyan û gerîlayan danê ke têkoşînê xo geş bikerê, Kurdîstanê Azadî û Rojhelatê Mîyanênî yê Demokratîkî awan bikerê.''