Konseya Serekîya Pêroyî ya KCKyî pê eşkerayîyêka nuştekîye Dîyar Xerîb (Helmet) yad kerd.

Eşkerayîye wina ya:

''Ma ewladê çêrî yê Başûrê Kurdîstanî, kadroyê rayberî yê partîya ma, endamê Konseya Serekîya Pêroyî ya KCKyî Dîyar Xerîb û embazanê bînanê ke pa ey şehîd bîyê Şahîn û Devranî serrgêra 2. ya şehadetê înan de bi rêzdarî yad kenê. Ma şexsê înan de pêro şehîdanê xo rê sozê xo yê perwerîye dibare kenê. Ma seba caardişê Kurdîstanê Azadî yê Demokratîkî têkoşîn do pîl bikerê.

Embaz Helmet seba ke yewîya kurdan bîyaro ca pê hîsgerîya xo, zanist û kesayetê xo, pê tewirê xo yê cuye bi embazêko mîsal. O do tim zerrîya ma û yê şarê ma de bo, hişê ma de biciwîyo, erjan awan bikero. Senî ke o seba yewîya neteweyîye ya kurdan xebitîya û vera kolonyalîzm û îşxalî werişt ra, bi rayberê xoverdayîşî şehadetê ey ra dima ewro heman rolê ci dewam keno.

Embaz Şehîd Helmey sey ciwanêkê roşnvîrî yê Başûrê Kurdîstanî hêrişê qirkerdişî yê Baasî, qirkerdiş û jenosîdî dîyî. Nê serebûtan û hîkayeyanê qirkerdişî kerd ke o wayîrê hîsanê şorişgêrîye bibo.Ey pê hîşmendîya tarîxî vera polîtîkayanê kolonyalîstan ê dişmenî xeta azadîye ya Rayberîye de ca girewt. Ey waştişê madîyî red kerdî û ciwanîya xo de ver bi koyan vaza. Ey pê duristî, zerrînizmî, kedkarî û samîmîyetê xo raştîya kurdan-Kurdîstanî, raştîya têkoşînî fam kerdî û bi rayberêko raştikên.

Embaz Helmet ê embazan ra yew bi ke paradîgmaya Komelê Demokratîkî yê Rayber Apoyî hol fam kerde û pratîzekerdişê na paradîgma xebitîya. Ey pê tewirê xo her aste de PKK temsîl kerd. Ey kerd ke krîteranê embazîye de û nêzdîbîyayîşê cinîyan de krîterê azadîye temsîl kerdî. O babetanê têkoşînê îdeolojîk-rêxistinbîyayîşî de zî tim bi wayîrê tewirê şorişgêrê rayberî. ey qetî teberê xete de tewirêk qebul nêkerd û na babete de bi teqîbkerdoxo hol û milîtano rayber ê Rayber Apoyî.

Embaz Şehîd Helmet bingeyê hişmendîya xo ya neteweyî de tim îdealê Kurdîstanê Azadî yê Demokratîkî kerd pîlêr û emrê xo da ney. Ey hol zanayêne ke bênasnametîye û bêstatutîye seba şarêkî yenê çi mana. Naye ra ey emrê xo seba ke dejê şarê xo kêm bikerê, meseleyanê şarî çareser bikero û kayanê dişmenî pûç bikero xerc kerd. Ey seba caardişê yewîya kurdan, ameyoxê azadî yê şaran pêro wezîfe û mesuldarîyê xo ardî ca.

Coka Şehîd Helmet Başûrê Kurdîstanî de yew tewir û yew xet o. O Başûr de bi sembolê cuya rûmetêne, şorişgêrîye û teslîmnêbîyayîşî. Ey kesayetê xo de erjê azadîye-demokrasî temsîl kerdî û pawitî. Qibleyo îdeolojîk ê Başûrî xeta rûmetêne ya xoverdayoxîya embaz Helmetî ya. Coka wayîrvejîyayîşê embaz Helmetî wayîrvejîyayîşê Başûrî yo. Xeta embaz Helmetî ser o şîyayîş Başûr îşxal û îşxalkeran ra xelisnayîş o. Embaz Helmetî bi tayberî cinî û ciwanî şarê Başûrî rê zaf tesîr kerdêne. Coka o hetê hêzanê îşxalkeran ra ame hedefkerdene û bi hawayêkê barbarî ame qetilkerdene.

La îşxalker û qirkerî, hemkarê înan wa bizanê ke têkoşînê embaz Helmetî nêqedîya. Sey pêro şehîdanê ma yê çêran embaz Helmet zî şehadetê xo ra pey zî nê rolê xo yê rayberî rê dewam keno. Sere de cinî û ciwanî şarê Başûrî do wayîrê dewaya embaz Helmetî vejîyê û têkoşînê ci pîlêr bikerê. Çunke ey emrê xo da qesasê qirkerdiş û enfalanê Kurdîstanî û nê oxirî de şehîd bi. Şarê ma yê Başûrî do sey ey bi hezaran Helmetan weye bikero. Çunke nika Başûrê Kurdîstanî yo ke binê îşxalê dewleta tirke de yo hewceyê kesayetanê şorişgêran o ke sey embaz Helmetî yê. Semedo ke îşxalkerê kolonyalîstî Başûrî ra bêrê vetene, seb têkoşînê azadîye û demokrasî Başûr tewr zaf hewceyê Helmetan ê neweyan o.

Coka bi taybetî ma venga ciwananê Başûrî danê ke meverdê ke unsurê xayîn û hemkarê ke destê înan de gonîya embazanê ma esta mîyanê şima de têbigêrê. Şima qetî meverdê xayîn û hemkarî biciwîyê, warê cuye û rêxistine de nînan mekerê zere. Semedo ke şima tewrê rayraşîyayîşê şorişgêrî yê azad û têdûştî bibê û semedo ke xeyalê Kurdîstanê Azadî yê Demokratîkî yê Helmetî bîyarê ca cade xo biresnê koyanê Kurdîstanî.

Nê esasî ser o ma sere de şarê Başûrê Kurdîstanî venga pêro kurdîstanijan danê ke semedo ke xeyalê embaz Şehîd Helmet û embazanê ci yê şehadetî Şahîn û Devranî, xeyalê pêro şehîdanê çêran bîyarê ca yewîya xo ya demokratîke bihêzêr bikerê, vera îşxalê dewleta tirke ya kolonyalîstî xoverdayîşî pîl bikerê,  pê ruhê yewîya neteweyîye ya demokratîje îşxalkeranê tirkan Kurdîstanî ra pabikerê û bierzê. Ma vanê nika wextê yewîye yo.''