Komîteya Tekîlîyanê Teberî yê KCKyî derheqê qewimîyayîşanê peyênen de xelêk temsîlkarîyan û konsolosxaneyanê rê mektube şawite.

KCKyî derheqê zanayanê xelet û bihetî yê ke dewleta tirke û PDKyî de hîşyar kerd û qala qirkerdişo ke dewleta tirke ke tarîxî ra bitaybetî zî wextê hukmatê AKP-MHPyî de vera kurdan kena, kerde.

KCKyî ard ziwan ke amancê dewleta tirke oyo ke her ca de destkewteyanê kurdna çîn bikero û seba ke dewlete rojawanî semedê karanê xo paştî danê na polîtîka ê rexne kerdî.

Mektube de bale ameye ser amtene ke Metîna de  cayê ke hêzê PDKyî 25 serrî nêşinê ci hêzê xo şawitî û ame vatene ke zanayîşê PDKyî derheqê pêşmergeyanê ke dinyaya xo bedilnaye de dayî û eşkerayîyê sûcdarkerdişê PKKyî raşt nêyî.

Eşkerayîyê  winayênî ameyî rexnekerdene ke  rewşe xirabêre kenê. Mektube de ca dîya eşkerayîya ke Endamê Komîteya Rayberdişî ya PKKyî Murat Karayilanî ke 10ê hezîrane de ameye kerdene

KCKyî temsîlkarîyan û konsolosxaneyanê welatanê rojawanî ra û watş ke wa vera zanayîşanê  bihet û provokatîfan de hîsgêr bê û vera hêrişê îşxalî yo ke cayê ci huqûqê mîyanneteweyî de çîn o, rolê kay bikerê.

KCKyî tewr peynî de veng da rayapêroyîya neteweyî ke wa vera îşxalê Erdoganî bivejîyo  û dewleta tirke vindarno.