Hemserekîya Konseya Rayberdişî ya KCKyî bi wesîleya Roşanê Karkeran 1ê Gulane mesajêk weşana û semedê tewrbîyayîşê Hemleya Azadîye veng da.

Eşkerayîye ra qismêk wina yo:

“ Sey heme erjan 1ê Gulane zî bi bedelanê pîlan ame pê. Ma şexsê şehîdanê 1ê Gulane de şehîdanê şoriş û demokrasîyî yê ke afernayoxê heme erjan ê, ma înan bi hurmet û minetî yad kenê û sozê serkewtişî newe kenê. Vera modernîteya kapitaliste ganî ma yewî û paştdayîşê xo xurtêr bikerû  1ê Gulane goreyê manaya ci pîroz bikerê. Şorişê Azadîye yê Kurdîstanî sey leteyêkê têkoşînê sosyalîzmî aver ame.

Rayber Apo têna semedê azadîya şarê kurdî nê, semedê xelisnayîş û heme şaranê bindestan têkoşîn kerd. Netîceya nê têkoşînî de semedê şarê kurdî gamê pîlî ameyî eştene. Têgêrayîşê sosyalist û demokratîkî ganî goreyê na keda Rayber Apoyî 1ê Gulane de vera tecrîdî tewirê xo ramojnê û tewrê Hemleya Azadîye bibê. Ganî şarê kurdî wayîrê 1ê Gulane bibejîyo, 1ê Gulane de vejîyo waran pîya bi karker û kedkaran waştişê azadîye bîyaro ziwan. Ganî bi waştişê azadîya fîzîkîye ya Rayrber Apoyî Hemleya Azadîye bikirişîya merhaleya girseyî. Ma reyna 1ê Gulane pîroz kenê û veng danê ke wa wa 1ê Gulane bi hewayêkê xurtî bêro pîrozkerdene.”