Sîyasetmedaro kurd Mahmut Alinak o ke pê cezaya muedebe ameyêne hukmkerdene, roniştişê xo yê verênî de ci rê cezaya 'hepsê keyeyî' ameye dayene. Nika zî kelemçe ame dayene lingê Alinakî ro. Karmendê Edlîyeyê Qersî dima ke keyeyê Alinakî peymit, kelemçe da lingê Alinakî ro.

Alinakî derheqê babete de wina vat: ''Sey koleyan kelemçe ame dayene lingê ma ro. Ma koleyê modernî yê nê welatî yê. Mi asayîş û edlîye de nêverda ke mi kelemçe bikerê. Nika qesasê xo girewt.  Ez nika keyeyê xo ra nêeşkena bivejîya teber. Seba ke ez ecîz bikerê, înan wina kerd. La ez do ecîz nêba û fikranê xo ra fek vera nêda. Seba şar û merdimîya mazlûme mesuldarîyê ma estê. Sey roşnvîran ma amade yê ke bedelê ney bidê.''