Deweka Gulbîşî ya dewa Akyolî ya Kerboranê Mêrdînî de şîkeftêke de xeylêk esteyê merdiman ameyî dîyene.  Beno ke êyê  ke hetê JÎTEMî ra ameyî remnayene û qetilkerdene nê esteyê  înan ê.

Dewijê Akyolî yo bi nameyê Îrfan Yakutî yo ke dîmenê nê esteyan antî derheqê babete de ANFyî rê qisey kerd. Yakutî ard ziwan ke xezînegêranê ke xebata kendişî kerdêne raştê esteyan ameyî.

Yakutî  vist vîrî ke babîyê ey Yahya Yakut zî 1993 de hetê JÎTEMÎ ra ame remnayene û qetilkerdene û ard ziwan ke coka o semedê nê rewşan hîsgêr o. Yakutî vat: ''Xizînegêranê ke xebata kendişî kerdêne raştê esteyan ameyî û ûca ra peyser agêrayî. Bado ke mi eşnawit ez cade şîya mi dîmenê ci antî. Tewr tay mi esteyê 30 sereyan martî. Verî zî Kerboran de gorê komî ameybî dîyene. Ma vanê qey  nê esteyî zî yê kesanê ke bi destê dewlete ameyî remnayene û qetilkerdene yê înan ê. Dima ke mi esteyî dîyî ez şîya dozgerîye mi pêhesaneyîşê sucî kerd. Dozgerîye û leşkeran ra  ekîbêk do cayê qewimîyayîşî de cigêrsayîş bikerê.''

JÎTEMo ke hetê dewlete ra  serranê 90an de ame ronayene û hetê dewlete ra yeno îdarekerdene Kurdîstan de bi hezaran kurdî remnayî, qetil kerdî û goranê koman de definkerdî. Reyna serran ra dima vejîyabi werte ke dewlete bado ke kurdê ke etşî qoyîyanê asîtî û qetil kerdî eştî şîkefteyan.