Sarayê Wanî de hemwelatîyo bi nameyê Adnan Karahanî ke waştêne sînorê Îranî ra ravêro, kewt xendeko ke hetê leşkeranê tirkî ra ameyo kendene. Karahanî cuya xo vînî kerde. Leşkeran îdîa kerd ke Karahan hetê cinawiran ra ameyo mirênayene.
Dewa Kurcanî ya Sarayê Wanî ra hemwelatîyo bi nameyê Adnan Karahanî ke waşt ke ravêro sînorê Îranî kewt xendeko ke hetê leşkeranê Qereqolê Kurcanî ra ameyo kendene. Karahano ke gêra embazanê xo û vat o ginayo xendek ro û hetkarîye waşte, cuya xo vînî kerde.
Keyeyê Karahanî ard ziwan ke lajê înan rîyê hendekê leşekran ra merdo la leşkeran no red kerd û îdîa kerd ke Karahan hetê cinawiran ra bi letekerdişî ame mirênayene.
Cenazaya Adnan Karahanî semedê otopsî ameye berdene Dezgehê Tibê Edlîyî yê Wanî.
