Emîne Şenyaşara ke mêrde û lajê ci hetê merdimanê Wekîlê AKPyî Halîl Îbrahîm Yildizî ra kişîyayî lajê xo Ferît Şenyaşarî reyde roja 65. de nobeta edaletî rê dewam kena. Semedê qedexeyê tebervejîyayîşî Şenyaşarî çalakîya xo keye de kenê.

Keyeyê hesabê xo yê medyaya dîjîtale ser o dîmenê hêrişî yê baxçeyê Nêweşxaneyê Pirsûsî vila kerdî. Keyeyî vat: ''2018 roja arîfe. Ca: Nêweşxaneyê Dewlete yê Pirsûsî. Nêweşxane de 3 merdimê ma kişîyayî. Ewro arîfeyê 2021î yo. Hema zî dosya ser o bira nimite esta. Her çi werte de yo edalet û huqûq çin o.''

Vîdeo de zî no çi ame parekerdene: ''Tarîx 14.06.2018. Ca Fîlîstîn nîyo. Îsraîlî qetî hêrişê nêweşxaneyî nêkerd. exto ke bira nimite bêra wedaritene ma do dîmenanê zereyî zî vila bikerê. Wa çîyêk nimite nêmano. Ma wazenê tehqîqatêko xoser bêro kerdene. Ma edaletî wazenê.''