Emîne Şenyaşara ke di lajê ci û mêrdeyê ci hetê merdimanê Wekîlê AKPyî Îbrahîm Halîl Yildizî ra ameyî qetilkerdene lajê xo Ferît Şenyaşarî reyde 71 rojî yo verê Edlîyeya Riha de nobeta edaletî kena.

Keyeyê serê sibayî pê dowîzanê 'Ma têna edaletê xoserî wazenê', 'Yan edalet yan edalet' verê edlîye de dest pê nobete kerd.

Ferît Şenyaşarî vat: ''Ma do waştişê xo yê edaletî rê dewam bikerê. Rixmê hewayê germî zî ma verê edlîye de edalet wazenê. Oyo ke ame sereyê ma dram o. Ma wayîranê wijdanî ra wazenê ke paştî bidê ma.''