Keyeyanê gerîlayan ê Kampa Multecîyan a Şehîd Rûstem Cûdîyî vera hêrişanê îşxalî yê dewleta tirke û PDKyî eşkerayîyêke daye. Meclîsê Keyeyanê Şehîdan û xeylêk hemwelatîyî zî tewrê eşkerayîye bîyî.

Nameyê keyeyanê gerîlayan ser o mamosta Sadiq Benekî eşkerayîye wende. Eşkerayîye de ame parekerdene  ke PDKyî kurdan rê îxanet kerdo û wina ame vatene: ''Ganî keyeyê gerîlayan û şar bi xurtî paştî bidê keyeyan. Ma venga şarê Başûrî û pêro kurdan danê ke vera îşxalî vejîyê meydanan û vera hêrişanê îşxalî tewirê xo bimojnê.''

Eşkerayîye pê slogananê sey 'biciwîyo xoverdayîşê gerîlayan', 'Bimiro îxanet' û 'Biciwîyo Serek Apo' qedîyaye.