26ê temmuze de nêzdîyê dewa Bêxme ya Xelîfanî ya Başûrê Kurdîstanî de hêrişê komêka gerîlayan kerdbi.

Merkezê Îrtîbatî û Çapemenîye yê HPGyî 31ê temmuze de eşkerayîyêka nuştekîye weşanabî û gerîlayanê ke înan ra xebere nêna girewtene ser o wa PDK eşkerayîye bido.

Keyeyê gerîlayê HPGyî Dijwar Berxwedanî Hesekê ra şi Berê Sînorî yê Semalka ke lajê xo ra xeberêke bigêro. Babîyê ey Şerîf Xelef, dadîya ci Roze Welî Xelîl û birayê ci Kawa Hesen Xelef û Dîyar Hesen Xelefî serê sibayî şîyî Berê Sînorî yê Semalka.

Wexto ke na xebere amebî amadekerdene agahîyê zelalî nêameyî destvistene ke keye derbazê Başûrî bîyo yan nê.

Merkezê Îrtîbatî û Çapemenîye yê HPGyî derheqê mesele de nê agahîyî dabî:

''Grûba ma ya ke tekîlîya ma bi ci birîyaye, grûba embazê ma Serwer Serhatî ya ke Fermandarîya Eyaletê Xakurkê de wezîfe rayra beno. Embaz Serwer pîya bi embazan Dijwar Berxwedan û Wargeş Çavreşî pêro pîya hîrê kesî sey grûbêke erazî de kewtî rayîr. Embaz Serwer fermandarêko bitecrube yo ke Vakûrê Kurdîstanî de merheleyanê xoverdayîşî yê muhîman ra ravêrto. Sey fermandarê Eyaletî şîyênî cayê wezîfeyê xo yê neweyî. Ma tesbît kerd ke rayîrê Behdînan de nêzdîya dewa Bêxme yê Xelîfanî de raştê hêrişî ameyo û la netîceya serebûtî ma safî nêkerde.

Derheqê aqibetê nê embazanê ma de PDKyî hema zanayîş nêdayo ma. Ma reyna rayrapêroyîye dir pare kenê ke ma PDKyî ra eşkerayîye pawenê.''