Gelîya Zîlane ya qezaya Erdîşî ya Wanî de hukmatê AKPyî serra 2014î de dest pê viraştişê Santrala Hîdroelektrîkî (HES) kerdbi û nêrazîbîyayîşanê dewijan ra dima serra 2015î de HES pê bira Mehkemeya Şêwirmendîye amebi vindartene. La karê viraştişê HESî newe ra dest pêkerd. 

Gelîya Zîlana ke wayîra xozayêka bêhempa ya pê 4 HESan werte ra yena wedaritene. Eke HESî temam bibê bi hezaran merdimî koç bikerê, awe biherime, nebat û heywanî çin bibê.

Kirgizanê ke wextê Kenan Evrenî de serra 1982î de Gelîya Zîlane de ameyî cakerdene viraştişê HESan şermezar kerd. Kirgizê dewa Ulupamîrî şîyî warê HESî û înan nêrazîbîyayîşê xo mojna. Kirgizan îfade kerd ke nê HESî ameyoxê înan do çin bikerê û înan çalakîye kerde. Dima ke leşkerê tirkî ameyî nîqaş dest pêkerd. Kirgizî çalakîye ra dima agêrayî dewa xo.

Çalakîye ra dima fermandarê qereqolî yê Gelîya Zîlane venga kirgizan da û înan rê gef wend. Fermandarî înan rê vat: ''Şima têmîyanîye kenê. Şorê û reyna wina mekerê. Seba şima no do weş nêbo.''