Koordînasyonê KJKyî derheqê hêrişanê dewleta tirke yê vera Rojawanî de eşkerayîye daye û nê vatî:

“Dewleta tirke ya qirkere zîhnîyetê DAÎŞî ra wetêr hêrişê Rojawanî kena. Kenê ke damarê cuye yê şarê ma bibirnê ke wa şar mecbûr bimano bar bikero. Hem şarê ma kenê multecî hem zî wazenê demografî bibedilnê. Cayanê sey awe, ceyran û xeleyî danê bombayan ver. Bi polîtîkaya dişmenîye ya vera kurdan hêrişê wehşî yenê kerdene. Heme kesê ke nê hêrişan de şehîd bîyî ma înan yad kenê û merdimanê înan û şarê xo rê serweşîye wazenê.

Verê çimanê dinya de dewleta tirke vera Rojawanî sûcê şerî kena. Heme dinya na raştîye rê çime xo girewtî. Hêzê emperyalist hegemonî û dewletê netewî yê statukarî yê herême bêveng manenê û semedê menfeatê xo paştî zî danê hêrişan. Ma sey şaran û cinîyan na raştîye vînenî. Bêvengîya kesanê ke xo sey sosyalîstan û hetê bindestan vînenî, şermo pîl o. Reyna sere de Başûrê Kurdîstanî tewirê partîyanê kurdan û dezgehan têna ters û xo pawitişî ra nîyo. Na xayînîye ya. Dewleta tirke binkewtişê xo bi hêrişan nimnena, sûcê şerî kena. Doman, cinî extîyaran qetil kena. 

Têna şermezarkerdişê nê sûcan qîm nêkeno, ganî vera ci têkoşîn bêro xurtkerdene. Ma do sey Têgêrayîşê Azadîye yê Cinîyan ê Kurdan do hesabê înan bipersê. Ganî her kes vera nê hêrişan vengê xo berz bikero. Eşkera yo ke hêrişê vera Rojawanî sey dewamê Komployê 9ê Teşrîna Verêne yeno caardene. Ganî heme ciwan û cinîyî her cayî biaçarnê warê pawitişê meşrûyî û cewabê nê hêrişan bidê. Sere de Vakur, Başûr, Rojhelat û Ewropa de ganî her cade têkoşîn bêro xurtkerdene. Wezîfeyê her kurdê welatperwerî yo ke ziwano ke dişmen tira fam keno de cewabê ci bido. Ganî ma her hetî ra têkoşînî xurtêr bikerê û hêrişan betal bikerê. Ma veng danê cinîyan ê dinya û şaranê bindestan ke wa vera hêrişanê qirkerdişî wa tewirê xurtî ramojnê. Ganî pê çalakîyan paştî bidîyo Şorişê Cinîyan ê Rojawanî. Sere de Amerîka hêzê koalîsyonî wa kurdan vera dewleta tikre sey malzeme mevînê, wa polîtîkaya dirîyî caverdê. Wa hinî kurdan semedê menfeatê xo qûrban mekerê. Ma nê tewirî qebul nêkenê.”