Koordînasyonê KJKyî serrgêra 36. ya Hamleya 15ê Tebaxe bi mesajêk fîraz kerde.

Mesajê KJKyî wina yo:

''Serrgêra 36. ya Hamleya 15ê Tebaxe de sere de Fermandar Egîd ma pêro şehîdanê xo bi rêzdarî û minetî yad kenê û soz danê ke ma do bi perwerîya vîrameyîşê înan têkoşînê xo de ser bikewê.

Ma selam danê xoverdayîşê gerîlayan o ke 15ê Tebaxa 1984î de dest pêkerd û hema zî dewam keno, selam kenê. Bi taybetî ma hêzanê xo yê YJA-Starî û HPGyî fîraz kenê ke ewro Heftanîn de vera artêşa TCyî ya faşîste xoverdayîşêkê destanwarîyî kenê û vanê ke vera îşxalî xoverdayîş do ser bikewo.

36 serrî verê cû guleyê verênîyo ke Dih de erzîya têna qereqolê TCyê faşîstî nê koledarî, hemkarî, şovenîzm, kolonyalîzm û qirkerdiş kerdî hedef.  Heman wextî de o guleyo verên erzîya pederşahî, sîstemê serdestîya camêrdan Coka 15ê Tebaxe hem seba cinîyanê azadan hem zî seba kurdan roja ganîbîyayîşî ya.

Şarê kurdî Hamle ra verî rastê qirkerdişan ameyêne û heqê ci yê azadîye destê ci ra gêrîyabi. La Hamleya 15ê Tebaxe ra dima pêro dinya pê estbîyayîşê kurdan hesîya û kurdan zî xeta xo ya azadîye newe ra xêz kerde. Coka 15ê Tebaxe de Xeta Kurdan ê Azadan ameye îlankerdene. Embazê ma Mehmet Karasungur û Îbrahîm Bîlgîn zî 2ê gulana 1983î de seba ke  yewîya kurdan awan biba, hêzê kurdan yew destî de bêro arêdayene şehîd bîyî. Coka 15ê Tebaxe de vera hemkarî û îxanetî zî guleyo verên erzîya.

Ewro zî dewleta TCyî ya faşîste bi rayîrê hemkaranê xo kena ke Başûr îşxal bikera. Reyna çar parçeyanê Kurdîstanî de konseptê qirkerdişî yeno amadekerdene. Her wextî ra zêdêr ma hewceyê yewîya neteweyî yê ke şar û erdê xo bipawê û plananê dewlete pûç bikerê. Tewirê vera hemkar û ajanan seba gerîlayan paştdayîşêko tewr pîlêr o. Ma sey KJKyî venga pêro cinîyanê kurdan û şarê kurdî danê ke Xeta Kurdan ê Azadan ser ı bêrê pêser û vera îşxalî vinderê.

Hêzê kolonyalîst û îşxalkerî seba ke têkoşînê ma yê azadîye û sîstemê ma yê alternatîfî çin bikerê her cayî ra hêriş kenê. Rojhelatê Mîyanênî de prosesêko têmîyan esto ke ganî ma sey kurdan nê prosesî de deskewteyanê xo bizêdînê. Ma sey Têgêrayîşê Azadîye yê Kurdîstanî eşkenê tarîx bivurnê. Eke ma bi na qerardarî û hîşmendî tewrê têkoşînî bibê ma eşkenê azadîya xo bivisnê destî.

Ma nê esasî ser o Roşanê 15ê Tebaxe yê pêro kurdan û şaranê herêmî fîraz kenê. Ma reyna şexsê Fermandar Egîdî de şehîdanê xo yê çêran yad kenê. Ma sozê xo dibarê kenê ke do xoverdayîşê xo bi serkewtişî tacîdar bikerê.''