Komeleya Heqanê Merdiman a Kurdîstanî pare kerd ke vizêr hêzanê rejîmê Îranî sînorê Ûrmîye de kolberan ser o guleyî varnayî, netîce de kolberêk birîndar bi û 3 kolberî zî ameyî destbendkerdene.
Komeleya Heqanê Merdiman a Kurdîstanî (KMMK) pare kerd vizêr kolberêkê bi nameyê Selman Mehmûdîyano ke dewa Şikilava ya qezaya Mirgeverî ya Ûrmîye ra yo, hetê hêzanê rejîmê Îranî ra ame birîndar kerdene, 3 kolberê bînî yê bi nameyê Pervîs Mihmedî, Samî Mihemedî û Ceafer Mihemedî zî ameyî destbendkerdene.
KMMKyî da zanayene ke na koma kolberan sînorê Ûrmîye de kewtbî teqîbê hêzanê rejîmê Îranî. Ame parekerdene ke birîndar Selman Mehmûdîyan wedarîya nêweşxaneyê Ûrmîye.
Goreyê bîlançoya KMMKyî destpêkê emserî ra heta nika 104 kolberî hetê rejîmê Îranî ra ameyî destbendkerdene.
