Konseya Rayberdişî ya KNKyî derheqê hêrişanê îşxalî yê dewleta tirke û xoverdayîşê Heftanînî de eşkerayîyêke daye.

Eşkerayîya KNKyî wina ya:

''Kurdî tim rastê teda ameyî. Xoverdayîş her tim seba kurdan  bero yewin ê xopawitişî bi. Xoverdayîşê kurdan ewro resa pêro dinya. Xoverdayîş nika zî vera hêrişanê dewleta tirke Heftanîn û Qendîl de dewam keno. Dewleta tirke ya îşxalkere pê pêro îmkananê xo yê teknîkan, pê hetkarîya ajanan bi hawayêkê bêmabênî hêrişê Heftanînî kena. Xoverdayîşê Heftanînî û ê cayanê bînan ê Kurdîstanî xoverdayîşêko bêhempa yê şorişgêr û şerwananê Kurdîstanî yo. Nê hêzanê xoverdayoxan hêrişê dişmenî her ca de şikitî û nê şerwanî vera teknolojîya artêşa tirke şerê rûmetî danê.

Ma sey Kongreya Neteweyî ya Kurdîstanî KNK pê pêro îrade û waştişê xo wayîrê xoverdayîşê Heftanînî vejîyenê. Ma nê têkoşînî sey wezîfeyêkê neteweyî vînenê û selamê xo şawenê xoverdayoxan. Ma rîyê xo verê înan de anê war.

Ma venga pêro kurdîstanijan danê ke paştî bidê xoverdayîşê Heftanînî. Ma venga her kesî danê ke goreyê xîretanê xo bibo vengê xoverdayîşê Heftanînî û vera hemkaranê dewleta tirke ya îşxalkere bibo wayîrê tewirêkî. Azadî û serfîrazîya Kurdîstanî têna destê kurdan de ya. Ma pê bawer ê ke şarê ma qet xoverdayoxanê xo do têna nêverdê.

Ma sey KNKyî venga pêro partî, têgêrayîş, hêz, partî, rêxistinanê kurdan danê ke vera hêriş û îşxalê dewleta tirke bibê wayîrê tewirêkî. Nê hêrişî vera ked û destkewteyanê kurdan ê. Netîceya xoverdayîşî de serkewtiş do ê kurdan bibo.''