Konseya Rayberdişî ya Komelgehê Demokratîk û Azadî yê Rojhelatê Kurdîstanî (KODAR) û Meclîsê Partîya Cuya Azade ya Kurdîstanî (PJAK) semedê yadkerdişê  Rêzan Cavîdo (Yusif Rebani) ke 6ê tebaxe de taxa Sîna ya Qamişloyê Rojawanî de şehîd bi, eşkerayîye daye.

KODAR û PJAKî ard ziwan ke şehadetê Rêzan Cavîdî semedê heme şaran vînîbîyayîşo pîl o û hêrişê dişmenanê xo bitaybetî yê dewleta tirke şermezar kerdî.

Eşkerayîye de Rayberê Şarê Kurdî Abdullah Ocalan, şarê welatperwer ê mahabadî, keyeyê Şehîd Rêzan Cavîdî û heme şarê kurdî û şerwananê azadîye rê serweşîye ameye waştene.

Eşkerayîya hempare de ca dîya nînan: ''Rêzan Cavîd 2013 de tewrê têgêrayîşê azadîye bi. Kongreya ronayîşî ya PJAKî de cagirewt û têkoşînê berzeyê azadîye resna, kerd pîl. Rêxan Cavîd sey endamê Konseya Rayberdişî ya KODARî çar parçewyanê Kurdîstanî de semedê yewîya neteweyî û demokratîke ya şarê ma têkoşîn ker. Şarê ma do têkoşînê ey bido domnayene.''