Ame zanayene ke dewa Bildiyanî ya qezaya Kolikî ya Semsûrî de kesêk/e de vîrusê Korona ame tesbîtkerdene. Dewe de dekewtiş û vejîyayîşî qedexe bîyî. Ame vatene ke kesê ke nêweşê/a Korona rê temas kerd zî binê karantîna de yê. Nêweşê/a Korona ya/yo 65 serre zî seba weşkerdişî ame/ye berdene bi Dîlok. Xebatkarêkê weşîye da zanayene ke nêweşê/a Korona ya/yo 65 serre Îstanbul de êyê ke umre ra ameyî zîyaret kerdî û dima agêra/ye dewe.

Şaredarê Kolikî Yusuf Turhanliyî şar hîşyar kerd ke eke hewce nêbo keyeyî ra nêvejîyo.  Xebatkarê weşîye zî şaristan de tay noqtayan de germîya merdiman peymenê.