Komêka ciwananê ereb û kurdan tewra gerîlayan bîye. Kome venga pêro ciwanan da ke çarçewa Hemleya Werin Cenga Azadiyê ya Komalanê Ciwanan de bi şîarê 'Vera îxanet û îşxalî bêrê cengê azadîye' tewrê şorişî bibê.

Goreyê xebera Nûçe Ciwan, kome derheqê tewrbîyayîşê xo de na eşkerayîye daye:

''Proseso ke ma tede yê, seba şaranê bindestan û azadîwaştoxan prosesêko hesas o. Rewşe û alozîyê ke sîstemê modernîteya kapîtalîste tede yo, seba vetişê krîzan hêrişanê xo yê vera şaranê azadîwaştoxan zêdînenê. Pê nê hêrişan hêzê faşîstî wazenê estbîyayîşê xo bidê dewamkerdnee.PKKyo ke têgêrayîşê şaran o, vera nê faşîzmî bîyo hêvîya merdimîye.

Destpêkê Şorişê 19ê Temmuze ra nata hêrişê vera herême û waştişê çinkerdişê îradeyê şarê herême û felsefeya Rayber Apoyî nêkêmîyayî. Dewleta tirke ya faşîste pê girankerdişê tecrîdê vera Rayber Apoyî, pê hêrişanê vera Herêmanê Pawitişî yê Medya wazena îradeyê şaran bişikna û heman wextî de wazena bi rayîrê MÎTî, pê binpaykerdişê heqanê exlaqîyan ê sey şuxilnayîşê çeka kîmyewîye û bombaya nuklerea  gerîlayan zî çin bikera. La netîceya xoverdayîşê tarîxî yê gerîlayanê azadîye de dewleta tirke derbêka girane werde. Dewleta tirke ya ke wazena xeyalê Osmanîyan gandar bikera, vera gerîlayan bin kewte. Gerîlayan bi xoverdayîşê xo dewleta tirke rê sînorî nayî ro.

Ma sey ciwananê ereb û kurdan ê Rojawanî seba qesasê şehîde Jîyane û pêro şehîdanê Zap û Metîna vera qirkerdişanê dewleta tirke sozê tewrbîyayîşê gerîlayan danê ke xoverdayîş û têkoşînê nikayênî xurtêr bikerê.

Senî ke xoverdayîşê zîndanan ser kewt, Şorişê 19ê Temmuze ser kewt no tewrbîyayîşê ma zî tecrîdê giranî yê vera Rayber Apoyî do bişikno. Ma do plananê dewleta tirke çin bikerê, Kurdîstanê Azadî û Rojhelatê Mîyanênî yê Demokratîkî awan bikerê.''

a faşîst têk bibin, Kurdistana azad û Rojhilata Navîn a Demokratîk ava bikin."