Komeleya Kultur û Hunerî ya Dîcle prosesê Korona ra dima 23ê teşrîna verêne de perwerdeyê têrîyî rê do dest pêbikera. Komele de kursê resim, gîtar, fotograf, tîyatro, folklor ûsn do bêrê dayene.

Perwerdekarê komele Omer Baranî eşkera kerd ke nika 60 şagîrtê înan estê û ê do semedê domanan kursanê muzîk û resimî abikerê. Baranî vat: ''Ma taxanê Sûrî de domanan dir eleqedar benê. Sûrî ra 6 wendekarê ma estê. Ma kabîlîyetê domanan keşf kenê. Ma do kursê muzîkî ra dima zî koroyê domanan awan bikerê.  Berê komeleya ma her kesî rê akerde yo. Armancê ma no yo ke do huner, ziwan û kulturê xo aver berê.''

Baranî bale ante ser ke Vakurê Kurdîstanî de vera ciwanan polîtîkayê şerê taybetî yenê caardene û vat: ''Ma do pê hunerî cewab bidê nê polîtîlayan. Wendekarêkê ma tîryakîyê kundoxî bibi. Nika o hunerî dir eleqeder beno û tîryakî nîyo. Ma wazenê ciwanan û domanan serê xebatanê xo bikerê û nê çîyan ra dûrî bivisnê. Ma do nêverdê ke ciwanê ma bikewê dafikan.''