Eşkerayîye de ame vatene ke Yilmaz asayîşê Manîsa de nê, la Mudurîyetê Asayîşî yê Aydinî de ameyo şehîdkerdene.

Eşkerayîya Komîteay Şehîdan a PKKyî wina ya:

“Derheqê şehadetê embaz Abdûrrahîm Yilmazî de ke 25’ê Temmuz a 1981’î de Mudurîyetê Asayîşî yê Aydinî de şehîd bi, vizêr bi nameyê komîteya ma rayapêroyîye rê eşkerayîyêk amî dayene. Sebebanê teknîkîyan ra eşkerayîye de tayê xeletîyî estbî û fotografê embazê ma nêamebi weşanayene. Seba nê kemasîyanê teknîkîyan ra ma uzrê xo wazenê û eşkerayîya xo reyna rayapêroyîye dir pare kenê.”

EŞKERAYÎYA KOMÎTEYA ŞEHÎDAN A PKK’YÎ

Seba keyeyê Ş. Abdûrrahîm Yilmazî,

Ma sere de bi nameyê têgêrayîşê PKK‘yî silam û hurmetanê xo şima rê şirawenê. Hemra Abdûrrahîm Yilmaz, 37 serran verê nikayî, yanî 25.07.1981 de Asayîşê Aydinî de şehîd bi. Bi nameyê têgêrayîşî seba ereykewtişê îlankerdişê şehadetê embaz Abdûrrahîm Yilmazî, ma uzrê xo wazenê. Ma keyeyê ci, merdimanê ci û şarê xo yê welatperwerî rê serweşîye wazenê, sozê şopnayîşê rayîro ke înan akerdo danê. Ma do heta dilopa peyêne ya gonîya xo peyrewê vîrardiş û mîrasê înan ê manewî û madî bibê.   

ŞEHÎDÎ CEWHERÊ MUCADELEYÊ MA YÊ

Mucadeleyê şarê Kurdî bi kede û gonîya şehîdan resa nê rojan, ê bîyê cewherê ruhê mucadeleyê ma. Rayber Apo na yewe ra seba PKK’yî vatêne, ‘PKK, partîya şehîdan a.’ Têgêrayîşê ma, bi sozê peyrewîya şehîdan rayîr ra şi û şino. Partîya ma, bi heme ercanê xo ya aîdê şehîdanê xo û Rayber Apoyî ya. Ma bi na roşnayîya rastîye rayîr ra şinê.

BI NIMÛNEYÊ RASTIYA APOYÎYE

Embaz Abdurrahîm mîyanê şertanê ke estbîyayîşê şarê Kurdî ameyêne munaqeşekerdene de sey bawermendêk ke şertanê tewr giranan de bawerîya xo paweno mucadeleyê xo pawit. Loma kolonyalîstan o kerd hedef û waşt ke bawerîya ci teslîm bigîrê. Seba nê înan o Manîsa de tepişt, asayîş de bi ci îşkence kerd. La ê gamêk pey de nêeşte û rastîya welatî û ya Apoyîye temsîl kerde. Gama ke înan îşkenceyî ra netîce nêgirewt, înan 37 serrî verî Ş. Abdurrahîm qetil kerd.   

MA SERÊ ŞOPA ŞEHÎDAN DE YÊ

Ewro têgêrayîş û bawerîya ke embaz Abdurrahîmî seba ci canê xo da, bîyê qîblegehê şaranê bindestan. Nê averşîyayîşî heme bi kede û gonîya şehîdanê ma virazîyayî. Ma, hemrayê înan rayîro ke înan akerdo de serê şopa înan de rayîr ra şinê.

Şar û têgêrayîşê ma mîyanê 37 serran de prosesanê xeylî çetinan ra vîyartî. Xeylî canfedayê şarê ma virazîyayî. Ma hemrayê ê canfedayan deyndarê înan ê. Çi heyf ke mîyanê nê rojanê adirênan de ma nêeşkayî keye û merdimanê hemrayê xo dir têkilîye ronê. Na babetêka zerrvêşnayox a seba ma. Ma bawer kenê ke şima do na kemasîye fam bikerê û mana bidê ci.

Şehîdan mîrasêko erjaye ma pêrune rê verda û ganî ma sey şarê Kurd wayîrê nê mîrasî û mucadeleyê şehîdanê xo vejîyê û welatêkê azadî azanê neweyan rê verdê. Wesîyetê heme şehîdanê ma nê bingeyî ser o yo. Welatêko azad do ruhê heme şehîdanê ma şa bikero. Bi nê fikir û bawerîye ma reyna serweşîye seba keyeyê ci, merdimanê ci û şarê xo rê wazenê. Reyna soz û peyrewîya xo tekrar kenê. Ma do serê şopa şehîdan de dewleta îşxalkare bin bifînê. Xeyalanê şehîdanê xo bica biyarê.”  

NASNAMEYÊ ŞEHÎD YILMAZÎ

Goreyê eşkerayîye nasnameyê şehîd Yilmazî wina yo:

Name: Abdurrahîm Yilmaz
Nameyê maye: Fatma
Nameyê pîyî: Abdurrahman
Wext û cayê maye ra bîyayîşî: 09.09.1958/ Dewa Gardile - Misric
Wext û cayê şehadetî: 25.07.1981 – Aydin