Endamanê Komîteya Keyeyan ê Şehîdan a PKKyî ya Başûrî û Têgêrayîşê Azadîye Silêmanî de bi wesîleya Roşanê Qurbanî gorê şehîdan zîyaret kerdî.

Destpêk de gorê şehîd Merwan û şehîd Şoreş ê Goristanê Kelikinî de ameyî zîyaretkerdene. Goristan de seba şehîdan deqayêk rêz ame girewtene. dima nameyê Komîteya Dezgehê Keyeyanê Şehîdan a PKKyî ya Başûrî ser o dayîke Beyane Ferac qisey kerd. Ferace pêrp şehîdê Têgêrayîşê Azadîye yê Kurdîstanî û şorişî yad kerdî. Ferace vat: ''Ma mînetdar û deyndarê şehîdan ê. Ewro mîrasê şehîdan Heftanîn de têkoşîn keno. Ganî ma wayîrê şehîdan bivejîyê.''

Dima zî dadîya şehîd Merwan dayîke Etîye qisey kerd. Dayîke Etîye vat: ''Pê têkoşîn û gonîya şehîdan ma do biresê serkewtişî. Ewro her ca de gerîlayî xo ver danê. ê do qetî îşxalkerî bin bikerê.''

Qiseykerdişan ra dma Endamanê Komîteya Keyeyanê Şehîdan a PKKyî ya Başûrî û Têgêrayîşê Azadîye Goristanê Şêx Mihyedîn û Seywanî de gorê şehîdan zîyaret kerdî.

Peynîya zîyaretî de sloganê 'Şehîdî nêmirenî' ameyî vatene.