Komîteya Zîndanan a PKK-PAJKî serrgêra Komployê 15ê Sibate de bi eşkerayîyêke xoverdayîşê zîndanan selam kerd.

Eşkerayîye wina ya:

''Ma serrgêra 22. ya Komployê 15ê Sibate de şehîdanê 'Şima nêeşkenê tîja ma tarî bikerê' yad kenê. Ma do xeta înan ser o şorê. Ma komplo bi şîdetî şermezar kenê û komplogeran rê lanet kenê.

Dewleta tirke bingeyê xo qirkerdişê bawerî şaran ser o ronayo. Sey ewro key kewte tengasî hêzê tarî yê dewlete îtîfaqê gemarinî kenê. Ewro zî îtîfaq faşîst ê AKP-MHPyî îmhaya kurdan esas gêno. La kurdî rayberîya PKK û Serek Apoyî de pê xoverdayîşê xo yê bêhempayî vera nê plananê çinkerdişî têkoşîn kenê.

PKKyî pêro tarîxê xo de hêrişê îşxalî yê qirkerdişan pê hemleyanê xo bin kerdî. Hemleyê 'Wext Wextê Azadîye' û 'Wext Wextê Pawitişê Komel û Cinîyan o' do azadîya Rayber Apoyî bîyarê ca û bibê hemleyê tarîxîyî. Rixmo ke AKP-MHP pê hemkarîya kurdan ê bêbextan û paştdayîşê hêzanê mîyanneteweyîyan xîret keno kurdan qir bikera kurdî her ca de, Ewropa, zîndanan û meydanan de pê nê hemleyan rayraşîyayîşê xo yê serkewtişî kenê pîlêr. Gerîlayanê azadîya Kurdîstanî Garê de artêşa tirke ya faşîste bin kerde ke no serkewtiş asta hemleya ma mojneno. Ma do pê nê motîvasyonî faşîzmê AKP-MHPyî binî ra birijnê.

Têkoşîno tewr pîl zî nika zîndanan de yeno kerdene. Rejîmê TCyî pê tepişîyayîşê kurdan, pawitoxanê heqanê merdiman û muxalîfan keno ke komel teslîm bigêro. Tepişteyê dewaya PKK û PAJKî ewro zîndanan de pê armancê azadîya Rayberê xo xoverdayîş de yê. Meşaleya xoverdayîşî 27ê teşrîna peyêne de zîndanan de ameye tavistene û nika pêro Kurdîstan roşnî kena. Ma selam kenê xoverdayîşê tepişteyan û ma pê bawer ê ke xoverdayîşê înan do serkewtişanê pîlan bîyarê.

Sey pawitoxanê cuya rûmetêne ma do xoverdayîşê vera faşîzmî ra fek vera nêdê. Wezîfeyê milîtananê PKK-PAJKî yê ke vera faşîzm têkoşîn bikerê, rojanê azadan biafernê, nê esasî ser o çalakîyan bikerê. Ganî nînan reyde ma azadîya Rayberîye biiqîrê, çalakîyanê xo bi hawayêkê rêxistin û kolektîfî bikerê.

Ma girîngîye danê çalakîyanê ke seba azadîya Rayberîye û şarê ma yenê kerdene. La ma çalakîyanê şexsîyan tesdîq nêkenê. Rayberîye seba çalakîyanê 'Şima nêeşkenê tîja ma tarî bikerê' vatbi ke nê çalakîyî zor danê ey. Ganî ma xoverdayîşê Îmraliyî yê Rayber Apoyî xo rê esas bigêrê. Nê esasî ser o ganî ma çalakîyanê şexsîyan nê çalakîyanê kolektîf û rêxistinkerdeyan bikerê ke xoverdayîşê ma bibo pîlêr. Ma pê bawer ê ke embazanê ma yê tepişteyan bi nê hwayî xoverdayîş pîl bikerê. Ma înan rê serkewtiş wazenê.

Senî ke  fedayîyanê HPG û YJA-Starî  Garê de vera hêzanê komplogeran pê ruhê xoverdayîşê zîndanan serkewtişêko pîl vist dest embazê ma yê zîndanan zî do pê ruhê xoverdayîşê Garê xo ver bidê.

Adirê xoverdayîşî 27ê teşrîna peyênane de ame tavistene û 15 sibate de Garê de bi geş. No adir nika pêro Kurdîstan keno roşnî.  No adir do Komployê 15ê Sibate bikerê roşnî. Ganî ma vera îqtîdarê faşîstî yê AKP-MHP-Ergenekonî bibê yew û pê çalakîyanê cîyayan xoverdayîş pîl bikerê. Serkewtiş do bibo ê xoverdayoxan. Sere de cinîyan ma venga her kesî danê ke wayîrê hemleyanê 'Wext Wextê Azadîye yo-Wext Wextê Pawitişê Cinî û Komelî yo' vejîyê û xoverdayîş pîl bikerê.''