Komxebata Îtîfaqê Kurdîstanî kombîyayîşê xo yê 12ê adare de birêka newîye daye.

Serekê Pêroyî yê KKPyî Sînan Çîftyurek, Vervatoxê Partîya Azadîye Ayetullah Aşitî, Serekê Pêroyî yê PÎA Mehmet Kamaç û Wekîlê HDPyî yê Amedî Îmam Taşçierî Ajansê Mezopotamya (MA) rê qisey kerd û da zanayene ke seba ke kar binê sîwanêke de bêro kerdene bire dîyaye ke komîsyonêko hempar bêro awankerdene.

Çîftyurekî ard ziwan ke kombîyayîş de înan bernameyê Newroze, karê ziwanê dayîke û yewîya neteweyî ercnayî. Çîftyurekî vat: ''Ma do 21ê adare ra dima kom bibê.''

Aşîtîyî zî îfade kerd ke netîceya xebata 2 mengan ra dima birêka xurte ameye girewtene. Aşîtîyî bale ante girîngîya komîsyonî ser û eşkera kerd ke yewîye seba kurdan do biba destpêkê prosesêkê neweyî.

Mehmet Kamaçî zî vat: ''Seba yewîya neteweyî gamê girîngî do bierzîyê. Îtîfaq têna pê kombîyayîşan nêbena.''

Taşçierî zî ard ziwan ke heta ke yewîye nêra caardene çew nêeşkeno qala azadîye bikerê.''