Konferansê Yewîya Kurdan û Tewirê Hemparî yê Rojawanî de mesajê Mesûd Barzanî ameye wendene. Barzanî vat ez hêvî kena konferans beno cewabê waştişanê şarê kurdî. YNKyî zî waştişê yewîya neteweyî ya kurdan ard ziwan.
Konferansê Yewîya Kurdan û Tewirê Hemparî yê Rojawanî de mesajê Serekê PDKyî Mesûd Barzanî ameye wendene û nameyê YNKyî ame qiseykerdene.
Mesajo ke hetê Temsîlkarê Mesûd Barzanî Dr. Hamîd Derbendî ra ame wendene. Mesaj de ame vatene ke konferans semedê yewîya kurdan ê Rojawanî gama muhîm a. Mesûd Barzanî vat o hêvî keno ke konferans beno cewabê waştişanê şarê kurdî.
Bi nameyê YNKyî zî Emîn Babaşêxî qisey kerd û vat: Ma do sey her wextî semedê paştdayîşê xebeta yewîye kurdan rolê xo bîyarê ca. Waştişê ma yo bingeyî yewîya neteweyî ya.
