Komeleya Rojnamageran ê Cinîyan (ROJIN) 2-3yê kanûne de bi şîarê ''Ma bi felsefeya Jin, Jiyan, Azadî tarîtîye bivurnê roşnîye'' konferansê xo yo hîrêyîn kerd.

Konferans de bi taybetî Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' ameye ercnayene. Konferans bi netîcename qedîya.

Netîcename de nê birî ameyî girewtene:

''-Ma hêzê xo felsefeya 'Jin, Jiyan, Azadî' ra gênê. Ma seba ke bibê vengê cinîyan do bi pêro hêzê xo têkoşîn bikerê.

-Tecrîdê vera Rayberê Şarê Kurdî Abdullah Ocalanî pêro warî girewtî binê tesîrê xo. Ma do vera ney bi weşananê xo mîyanê komelî de hîsgerîye virazê.

-Ma do vera polîtîkayanê sey koçkerdiş, fuhuş, vurîyayîşê demografîkî û madeyanê kundoxî ferasetê weşanîye awan bikerê ke tede hîsanê welatperwerîye teşwîq bikerê û esas bigêrê.

-Ma do vera hêrişanê sîstemê camêrd-dewlete derheqê qewimîyayîşanê cinîyan de nêrazbîyayîşanê komelkîyan û meseleya azadîya cinîyan bikerê rojdem.

-Ma do bi weşananê xo ked, cu, huneranê cinîyan esas bigêrê, verê çinkerdişê înan bigêrê, seba roşnîkerdişê rojanê tarîyan bixebitê.

-Ma do bikerê ke medyaya dîjîtale seba agahdarkerdişê komelî û averberdişê komelî bişuxilîya.''