Dîwanê Hemserekîya KONGRA-GELî bi wesîleya Roşanê Remezanî mesajêk weşana.

Mesaj wina yo:

''Ma Roşanê Remezanî yê Rayber Apoyî, şaranê Kurdîstanî û pêro alemê Îslamî bimbarek kenê. Ma hêvî kenê ke nê prosesî de roşan do bibo wesîleya xurtkerdişê paştdayîşê komelkîyî.

Çar parçeyê Kurdîstanî bi şertanê cîyayan nê roşanî pêşwazî kenê. Şeş menganê peyênan de çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye de serebûtê girîngî qewimîyayî.

Têkoşînê gerîlayan, xoverdayîşê zîndanan, protestoyanê 15ê Sibate, şayîyanê Newroze û 8ê Adare weçînayîşan de faşîzmê AKP-MHPyî bin vist. Şarê ma nê weçînayîşan de ancî îsbat kerd ke o hêzêko rêxistinkerde yo serkêş o.

Şarê ma yo ke verê AKP-MHGyî de ser kewt ganî seba xurtkerdişê paştdayîşê xo yê komelkîyî zîyaretanê roşanî bikero firsend. Ganî ruhê xoverdayîşê Wanî bi zîyaretanê roşanî vilayê pêro waran bibo.

Faşîzmê AKP-MHPyî vera têgêrayîşê kurdan amadekarîyanê şerê neweyî keno. No şer bîyo sebebê krîzê ekonomîkî yê welatî.

Ganî ma 2024î bikerê serra rijnayîşê faşîzmî, serra azadîya Rayber Apoyî û şarê ma. No zî pabesteyê têkoşînê şarê ma û hêzanê demokrasîyî yo.

Bi na bawerî, coş û kelecanî ma ancî Roşanê Remezanî bimbarek kenê. Ma hêvî kenê ke roşan do bibo wesîleya berzkerdişê ruhê xoverdayîşî.''