KODARî kongreya xo ya 3. 7-8-9ê gulane de kerde. Kongre bi weçînayîşê dîwanî û deqayêkê rêzgirewtişî dest pêkerd.

Qiseykerdişo verên hetê Hemserekê KODARî Fûad Berîtanî ra ame kerdene. Fuad Bêrîtanî îfade kerd ke kongreya înan do cewabanê raştikênan bidê hêrişan. Dima raporê faalîyetan zî ame wendene.

Roja diyîne ya kongre de zî ameye vîrvistene ke Konfederalîzmo Demokratîk seba Rojhelatê Kurdîstanî çareserîya tek a. Reyna kongre de kolberîye û rewşa tepişteyan ser o nîqaş ame kerdene. Ame parekerdene ke ganî tepişteyan û keyeyanê înan reyde paştdayîş bêro xurtkerdene.

Dima kongre de Fuad Bêrîtan û Gulane Fehmî sey hemserekanê neweyan ameyî weçînayene. Weçînayîşê hemserekan ra dima zî Konseya Rayberdişî ya 18 kesan ameye weçînayene.

Hemsereka newîye ya KODARî Gulane Fehmî qiseykerdişo peyên kerd û her kesî rê serkewtiş waşt.

Gulane Fehmî vat: ''Rojhelatê Kurdîstanî de ewro zî xoverdayîşê ma dewam keno. KODAR do bibo vengê pêro kurdan, bindestan. Ma sere de Rayber Apoyî rê, şehîdan, embazan, keyeyanê şehîdan, xoverdayoxanê zîndanan, şarê xo rê sozê xo yê serkewtişî dibare kenê û kongreya xo fîraz kenê.''

Kongreya KODARî bi sloganan qedîyaye.