Zîndanê Wanî de kerdişê xirabî, binpaykerdişê heqanê tepişteyan û tedayî nêqedîyenê. Gardîyanî semedo ke qesasê grevê vêşanîye bigêrê tepişteyan remnenê û înan rê îşkence kenê.

Tepişte Adem Ozbey hetê kesanê nenasan ra ame remnayene, ci rê îşkenceyêko giran ame kerdene û çend saetan ra dima apey ame ardene bi koxûşê xo. Goreyê agahîyan Ozbeyî ra ber xeylêk tepişteyî bi nê hawayî yenê remnayene û maruzê îşkenceyî manenê.

Tepişteyan pê telefonî keyeyanê xo reyde qisey kerd û qala îşkenceyî kerde.

Tepişteyan da zanayene ke Adem Ozbey koxûşê xo ra ame remnayene û vat: ''Adem mîyanê tepişteyan de ame remnayene, ci rê îşkence ame kerdene, cigêrayîşo rût ame kerdene û gef ame wendene. Wa rayaumûmîye ney bizana. Ma nêbenê nêweşxaneyî. Binê nameyê tehqîqatî de ma benê cayêkê nedîyarî û ma rê îşkence kenê. Serê bedenê embazanê ma de rêçê îşkenceyî estê. Ma gerreyê gardîyanan û wezîfedaranê zîndanî kerd.''

Merdimanê tepişteyan vat: ''Îşkenceyo ke tepişteyan rê yeno kerdene, a raşt pêro kurdan rê yeno kerdene. Ma do bêveng nêmanê. Ma hetê huqûqî ra destê ma ra çita bêro bikerê. Ma zî do gerreyî bikerê.''