Gerîlayê HPGyî Serdem Qamişlo yo ke Şam de ameyo dinya û huqûq wend o, PKKyî Konya de nas keno û tewrê sefanê gerîlayî bêno. Qamişloyî ANFyî rê qala hîkayeya xo kerde.

Serdem Qamişlo yo ke babîyê domanêk o, badê hêrişanê DAÎŞî yê 2013î mecbûr maneno ke Tirkîya rê bar bikero. Qamişlo Tirkîya de reya verêne namayê PKKyî eşneweno û pawitişanê Rayberê Şarê Kurdî Abdullah Ocalanî waneno.

Qamişloyî vat: ''Gama ke mi dest pê wendişê kitabanê Rayberîye kerd ewnîyayîşê mi yê cuya bedilya. Ez zaf binê tesîrê firkranê Rayberîye de menda. Mi çend kitabê Rayberîye wendêne ez hendê ey rê giredîyayene. Pawitişanê Rayberîye de ez  raya verêne raştê mefhûmo sey azadîye yo biheybet ameya. Sîstemê de çîyêko winayên çîn o. Rayber Apoyî qala azadîya cinî û komelî keno.''

Qamişlo gama ke  agêreno Şam wazeno ke şorişê şarî yê Rojwanî yo ke bi felsefeya Ocalanî ame kerdene nas bikero, coka   2015 de verê xo dano Qamişlo. Serdem Qamişloyî wina dewam kerd: ''Qamişlo de tewr vernî de sîstemo xoser ê YPGyî bala mi ante. YPG artêşa şarî bi û vera çeteyanê DAÎŞî şer kerdêne. Mi tewrê şerwananê YPGyî derheqê felsefeya Rayberîye de qisey kerd û fam kerd ke Rayberîye têna semedê azadîya kurdan nê semedê azadîya heme şarê Rojhelatê Mîyanênî têkoşîn keno. Mi zi asayîşê YPGyî de cayê xo girewt.''

Serdem Qamişlo yo ke demêk ra dima YPG ra verê xo dano sefanê gerîla derheqê gerîlayî de nê vatî: ''Ko de mi dest pê perwerdeyê şerwanê neweyî kerd. Tîya mi fîkrê Rayberîye hîna hol fam kerdî. Mi fam kerd ke şero tewr gird çeke nê şero ke çew vera kesîya xo dano yo. Eke çew bizano qey çew şer keno çew hîna beno serkewte. Şerê ma şerê semedê azadîya şaran o. Gerîla de her kes sêcîye yo. Cuyeka zaf cîya ya gerîlayan esta.  Ruhê hemrayîye ke tîya esto cayna çîn o. Coka ganî vera sîtemê hêrişkarî her kes verê xo bido koyanê azadan.''