Keyeyê Nazlikulî derheqê şehadetê Kasim Engînî (Îsmaîl Nazlikul) de eşkerayîyêke weşanaye.

Eşkerayîya keyeyî wina ya: 

''Endamê Komîteya Merkezî ya PKKyî embaz Kasim Engîn gerîlatîya xo ya 35 serran pê şehadetê xo tacîdar kerde, bi mîlîtanêkê aktîf û peyê xo de mîrasê şorişgêrîye yo pîl verda. Kasim Engînî cuya xo dîyarîya Kurdîstanêkê azadî kerde. O têna ewladê ma nê ewladê şarê Kurdîstanî bi. Coka ganî embazê ci qala ey, qala Mehmet Dîrlîk, Erdal (Engîn Sîncer û Mustafa Yondem), Nûcane û Sabrîyan bikerê.

Embaz Kasim fikrê xo de zengîn, cuya xo de zerrînizm bi û kesayetê xo de temsîlîya sosyalîzmî kerdêne. Embaz Kasim pê, ked, uslubê xo têkoşînê xo ard ca û her atmosfer de rewşêka pozîtîfe afernaye qet nêvat 'ney'.  Ey zanayêne ke tarîxê PKKyî mîyanê şert û mercanê zoran de yo û tim ma rê vatêne ke no tarîx seba ma mîrasêko pîl o. Embaz Kasimî ardêne ziwan ke xoverdayîş û têkoşînî ra ber rayîrê ma çin o, dişmenê ma prosesêkê qelsî de yê.

Embaz Kasim ciwanîya xo ra heta peynîye bingeyê paradîgmaya Rayberîye de xeta azadîya cinîyan de xo newe ra aferna û xîret kerd ke bibo embazê cinîyan, bi nê hawayî bi rayberê ma. Her ca de cinîyan rê rayîrêk kerd a, embazîyêka winasêne xo rê kerde esas. Embaz Kasim pê bawer bi ke îradeyê cinîyan do camêrdan azad bikero û bi nê hawayî o embazanê xo rê bi mîsal.

Ma pê bawer ê ke perwerîya seba Kasim Engîn û têkoşînê ci  pê bermayîşî nê pê tewrbîyayîşê têkoşînê azadîye û têkoşînkerdişî do bêra mojnayene. Nê esasî ser o ma doz danê Rayberîye û şarê Kurdîstanî.

Wa sereyê şarê Kurdîstabî û merdimîya azadîperwere ya xoverdayoxe weş bo.''