Gerîlayanê azadîya Kurdîstanî Newroza Azadîye ya 50. Herêmanê Pawitişî yê Medya de bi coşêkê pîlî fîraz kerde.

Endama Fermandarîya Qerargehê Merkezî ya HPGyî Gulîstane Gulhat û fermandaranê HPGyî Xeyrî Xerza, Dijwar Sason û fermandarê YJA-Starî tewrê şayîye bîyî. 

Bi seyan gerîlayê HPG û YJA-Starî merasim de amade bîyî. Verî gerîlayan merasîmêko leşkerî kerd. 

Endama Fermandarîya Qerargehê Merkezî ya HPGyî Gulîstane Gulhat merasîm de qisey kerd û vat: ''Nameyê gerîlayan ser o ez verî Newroza Rayber Apoyî fîraz kena, heskerdiş û hûrmetê xo pêşkêş kena. Ez şehîdanê têkoşînê azadîye şexsê Mazlûm Dogan, Rehşan û Zekîyeyan de yad kena. ''

Gulhate vist vîrî ke no tarîxo 50 serre bi kedanê şehîdan ame afernayene û vat: ''Newroze Mazlûm Doganî reyde resaye lewe. Ronayîşê PKKyî reyde Newroze hîna bi manadar. Ewro zî ma vînenê ke PKKyî teyde Newroze tarîx de seba kurdan bîya hîna girîng. Newroze tim bîye roja qesas, xoverdayîş û şayîye. Newroze a roj a ke kurdî tede resayî azadî û nasnameyê xo, îradeyê xo îfade kenê û seba nasnameyê xo şer kenê.

Ma sey hêzanê YJA-Star û HPGyî her wextî ra zêdêr amade yê ke azadîya kurdan û şaranê herême bîyarê ca. Newroza 2022î her wextî ra zêdêr do biba roja azadîya şarê kurdî û Rayber Apoyî.''

Merasîmî ra dima gerîlayan dest pê şayîye kerd.

Gerîlayan ANFyî rê qisey kerd û da zanayene ke na serre do biba serra qesasî û azadîya Rayberê Şarê Kurdî. Gerîlayan dormeyê adirî de bi slogananê 'Biciwîyo Serek Apo', 'Qesas' şayîye qedînaye.