Vera hêrişanê îşxalî yê dewleta tirke xoverdayîşê gerîlayanê YJA-Starî û HPGyî yê serê Zap, Avaşîn û Metîna de dewam keno. Gerîlayanê HPGyî Ronî Dêrik û Baran Gabarayî derheqê şerî de qisey kerd.

Gerîla Ronî Dêrikî vat: ''Dewleta tirke 45 rojî yo pê teknîkê tewr modernî hêrişê Herêmanê Pawitişî yê Medya kena la xoverdayîşê ma dewam keno. Îrade û xoverdayîşê gerîlayan do nêverdê ke planê dewleta tirke raşt bibê. Dewleta tirke seba ke debikewa tunelanê şerî çekanê qedexeyan xebitnena. Ma pê hêzê şehîdanê Cengê Xabûrî û Bazanê Zagrosî xo ver danê. Dişmen çend hêriş bikero zî ma do pê ruhê Apogîrî cewab danê ci. Ma reyna soz danê embazanê xo yê şehîdan ke ma do destûr nêdê îşxalî û heta serfîrazîye vera dişmenî şer bikerê.''

Gerîlayê HPGyî Baran Gabarî vat: ''Gerîlayî pê taktîkan derbanê giranan danê dişmenî ro. Tunelan de xoverdayîşêko tarîxî esto û her tunel bi kelaya xoverdayîşî. Dişmen Sîyan û Mamreşo de ser nêkewt. Ma pê moral û motîvasyonêkê pîlî vera îşxalî vindenê ke ma Rayber Apoyî ra girewt. Ma do heta serfîrazîye têkoşînê xo geşêr bikerê û rêçê şehîdan ser o şorê.''