Endama Meclîsê Partîya Cuya Azade ya Kurdîstanî (PJAK) Hêvî Dêrîk Kongreya 6. PJAKî û birê girîngî yê derheqê Îran û Rojhelatê Kurdîstanî de ercnayî.

Qiseykerdişê Dêrîke ra beşêk wina yo:

''Biranê ma ya tewr girîngan ra yew berzkerdişê têkoşînê seba Rayber Apoyî bi. Reyna awankerdişê yewîya neteweyî ya kurdan û yewîya demokratîke ya şaran a Îranî zî birê girîngî bîyî ke ma Kongreya xo de girewtî. Çarçewa Kongre de ma sîyaseto demokratîk, xeta hîrêyîne û awankerdişê sîstemê Konfederalîzmê Demokratîkî sey rayîrê çareserîye yê vera sîyasetê hêzan ê hegemonan pênase kerdî.

Kongreya ma de derheqê meseleyanê xorinan ê cinîyan de gamê girîngî erzîyayî. Ma pê bawer ê ke berzkerdişê têkoşîn, rêxistin û yewîya cinîyan seba kerdişanê Îranî yê vera cinîyan do bibê cewabêko tewr zelal û xurt. Heman wextî de ma kongreya xo de rêxistinbîyayîşê ciwanan ser o vindert ke naye ra pey yew xelasê ciwanan çin o.

Kongreya 6. ya PJAKî vera hêrişanê nasname û kulturê şarê kurdî pawitiş do sey esas bigêra. PJAK çarçewa demokratîzekerdişê Îranî û awankerdişê yewîya şaran a Îranî de têkoşînê xo berz bikerê. Na çarçewe de birêka bîne ya kongre na bîye ke seba paştdayîş û yewîya mabênê partî û hetanê sîyasîyan xîret bêro kerdene.''